شىنجاڭداعى كوكتوعاي بۇكىلالەمدىك گەوپاركتەر جەلىسىنە ەنگىزىلدى

استانا. قازاقپارات - ازيا، ەۋروپا جانە لاتىن امەريكاسىنداعى سەگىز گەولوگيالىق نىسان بۇكىلالەمدىك گەوپاركتەر جەلىسىنىڭ تىزىمىنە الىندى، دەپ حابارلايدى un.org.

ولاردىڭ قاتارىندا - يرانداعى كەشم ارالى، ارشان قورىعى (قىتاي، ىشكى موڭعوليا) مەن كوكتوعاي (قىتاي، شىڭجاڭ) بار.

سەگىز نىسانعا قاتىستى شەشىم يۋنەسكونىڭ اتقارۋ كەڭەسىنىڭ 5 -مامىرداعى سەسسياسىندا قابىلداندى. تىزىمگە كەشم ارالى مەن قىتايداعى ەكى قورىقتان باسقا فرانسيانىڭ وڭتۇستىك باتىسىندا ورنالاسقان كوس ديۋ كەرسي ۇڭگىرى، مەكسيكاداعى كوماركا مينەرا مەن ميكستەكا التا گەولوگيالىق نىسانى الىندى. ءتىزىمدى كورەيا رەسپۋبليكاسىنداعى چحونسون پاركى مەن يسپانياداعى تاۋداعى لاس- لوراس تاقىرى نىساندارى تولىقتىردى.

بۇكىلالەمدىك گەوپاركتەر جەلىسى يۋنەسكو باسشىلىعىمەن 2004 -جىلى قۇرىلدى. ول پلانەتامىزداعى سيرەك ءارى كورىكتى گەولوگيالىق مۇرالاردىڭ باسىن بىرىكتىرەدى. قازىرگى ۋاقىتتا تىزىمگە 35 مەملەكەتتەگى 127 گەوپارك الىنعان.

اۆتور: جانىبەك امانگەلدى