قازاقستاننىڭ قاي وڭىرىندە قانداي كولىكتەر ءوتىمدى؟

استانا. قازاقپارات - قازاقستان بويىنشا سالوننان جاڭا جەڭىل كولىك ساتىپ الۋ كورسەتكىشى الماتى، استانا، اتىراۋ، قوستاناي، شىمكەنت قالالارىندا جوعارى.

سودان كەيىن قاراعاندى، اقتاۋ، وسكەمەن، ورال مەن اقتوبە بەلسەندى.

بيىلعى جىلدىڭ العاشقى ماۋسىمىندا الماتىدا 2034 جاڭا كولىك ساتىلسا، استانادا 1392، اتىراۋدا 575 جاڭا كولىك وتكەن، دەپ جازادى islam.kz.

برەندتەر ىشىندە Lada مەن Toyota كوشباسشى.

لادانى ۇناتاتىندار اقمولا، اتىراۋ، ش ق و، جامبىل، ب ق و، قوستاناي، پاۆلودار مەن س ق و وبلىستارىندا.

ال Toyota كولىگىنىڭ نەگىزگى تۇتىنۋشىلارى استانا، الماتى قالالارى مەن اقتوبە، الماتى، قاراعاندى، قىزىلوردا، ماڭعىستاۋ مەن و ق و وبلىستارىندا.

قازاقستان بويىنشا ەڭ ءوتىمدى كولىك Lada 4×4. بۇنىڭ نەگىزگى تۇتىنۋشىلارى اقتوبە، اتىراۋ، جامبىل، ب ق و؛ قاراعاندى مەن س ق و وبلىستارىندا.

ەكىنشى ورىندا Ravon Nexia سەدانى. بۇل كولىك ش ق و، قوستاناي، قىزىلوردا، ماڭعىستاۋ، و ق و وبلىستارىندا كوبىرەك ساتىلعان.

Toyota Camry سەدانىنىڭ تۇتىنۋشىلارى الماتى مەن استانا قالالارى، الماتى، پاۆلودار وبلىستارى.

قازاقستاندىقتار 2016-جىلدىڭ 21- قاراشاسىنان 2017-جىلدىڭ 25- ساۋىرىنە دەيىن 14,322 اۆتوكولىكتى ۋتيليزاتسياعا وتكىزدى، دەپ حابارلايدى قازاقستاندىق اۆتوبيزنەس قاۋىمداستىعىنىڭ باسپا ءسوز قىزمەتى.

ەسكى كولىگىن ەڭ كوپ تاپسىرعان شىمكەنتتىكتەر بولىپ شىقتى. بۇل وڭىردە 1897 اۆتكولىك وتكىزىلگەن.

ەكىنشى ورىندا تالدىقورعان - 1 163، ال الماتىلىقتار 989 اۆتوكولىك تاپسىرعان.

كولىكتەردىڭ ەڭ كونەسى 1948-جىلى شىققان «موسكۆيچ» بولسا، ەڭ «جاسى» 2012-جىلعى 2 اۆتوكولىك بولدى. ولاردىڭ ماركاسى ايتىلمايدى. وتكىزىلگەن اۆتوكولىكتەردىڭ ورتا جاسى 2-30 جىل.