10:34, 07 - مامىر 2017 | GMT +5
اپ-ارىق مودەلدەردى كورسەتۋگە تىيىم سالىندى
استانا. قازاقپارات - فرانسيادا ساندىك كورسەتىلىم مەن جارنامالىق تۇسىرىلىمدەردە اپ-ارىق مودەلدەردى كورسەتۋگە تىيىم سالىناتىن زاڭ قابىلداندى.
بۇل قۇجات مودەلدەردىڭ دە، ەلدەگى باسقا ازاماتتاردىڭ دا، سونىڭ ىشىندە جاس ايەلدەردىڭ دەنساۋلىعىنا قامقورلىق تانىتۋ ماقساتىندا قابىلداندى، دەپ مالىمدەدى جۇما كۇنى دەنساۋلىق ساقتاۋ ءمينيسترى ماريسول تۋرەن.
ونىڭ ايتۋىنشا، تابيعي ەمەس جانە شىنايى ەمەس سۇلۋلىق تالاپتارى ايەلدەردىڭ ءوزىن-ءوزى كەم سەزىنىپ، ءوز كەزەگىندە تاماقتى تويىپ جەمەۋىنە اكەلىپ سوقتىرىپ جاتىر.
جاڭا ەرەجەگە سايكەس، مودەلدەر جۇمىسقا قابىلداناتىن كەزدە دارىگەردەن دەنساۋلىق جاعدايى تۋرالى، سونىڭ ىشىندە دەنە سالماعى يندەكسىنىڭ (سالماعى مەن بويىنىڭ قاتىناسى) قالىپتى دەڭگەيدە ەكەندىگى جايلى انىقتاما الىپ كەلۋى كەرەك.
جۇمىس بەرۋشى زاڭدى ورىنداماعان جاعدايدا، 75 مىڭ ەۋرو ايىپپۇل تولەيدى نەمەسە التى ايعا دەيىن باس بوستاندىعىنان ايىرىلادى. جاڭا ەرەجە 1- قازان كۇنى كۇشىنە ەنەدى.
