08:06, 08 - مامىر 2017 | GMT +5
تانىمال بوكسشىنىڭ ەكىنشى ايەلى شىمكەنتتەگى كوللەدجدەردىڭ بىرىنە ديرەكتور بولىپ تاعايىندالدى
استانا. قازاقپارات - تانىمال بوكسشى مۇحتارحان دىلدابەكوۆتىڭ جارى كوللەدج ديرەكتورى بولىپ تاعايىندالدى دەپ حابارلايدى وڭىردەگى NUR. KZ ءتىلشىسى.
سيدنەي وليمپياداسىنىڭ كۇمىس جۇلدەگەرى مۇحتارحان دىلدابەكوۆتىڭ ەكىنشى جارى ءالبينا ەلشيەۆا كونكۋرستىق نەگىزدە شىمكەنتتەگى 2№ كوللەدج ديرەكتورى بولىپ تاعايىندالعان.
بوكسشىنىڭ جۇبايى 2011-جىلدان بەرى وڭتۇستىك قازاقستان وبلىستىق ءبىلىم باسقارماسىنىڭ باسشىسى قىزمەتىن اتقارىپ، 2012-جىلى مۇحتارحان دىلدابەكوۆكە تۇرمىسقا شىقتى.
كەيىن دەكرەتتىك دەمالىسقا كەتكەن سوڭ 2015-جىلى بۇل باسقارما اتاۋى وزگەرتىلىپ، باسشىلىق «كرەسلوعا» قۋاندىق قۇلاجانوۆ تاعايىندالدى.
الايدا 2016-جىلى ەلشيەۆا حانىم وبلىس اكىمدىگى اپپاراتىن ءوزىن قىزمەتتەن زاڭسىز بوساتتى دەپ سوتقا شاعىم ءتۇسىرىپ، سۋديا تالاپكەردىڭ ارىزىن قاناعاتتارندىرعان دا بولاتىن.
ءبىراق ءالبينا ەلشيەۆا باس پەداگوگ قىزمەتىنە قايتا وتىرمادى.
