ەلىمىزدە دەمالىس جانە مەرەكە كۇندەرى اۋا رايى قانداي بولادى؟

استانا. قازاقپارات - «قازگيدرومەت» ر م ك اقپاراتى بويىنشا، الداعى ەكى تاۋلىكتە وڭتۇستىك سيكلون قازاقستاننىڭ كوپتەگەن وبلىستارىنا جاڭبىر، نايزاعاي جانە ۇيىتقىعان جەل الىپ كەلەدى.

6- مامىر كۇنى وڭتۇستىكتە، 7- مامىر كۇنى وڭتۇستىك-شىعىستا، اسىرەسە تاۋلى جانە تاۋ بوكتەرلەرىندەگى اۋماقتاردا قاتتى جاڭبىر جاۋادى. رەسەيدىڭ ەۋروپالىق بولىگىنەن انتيتسيكلون كەلىپ، 8- مامىر كۇنى رەسپۋبليكانىڭ وڭتۇستىگىندە، 8-9- مامىر كۇندەرى ورتالىق جانە شىعىسىندا، 9- مامىر كۇنى سولتۇستىك جانە وڭتۇستىك-شىعىسىندا جاۋىن-شاشىن توقتايدى.

10- مامىر كۇنى كەلەسى سيكلونعا بايلانىستى بۇل اۋماقتا نوسەرلى جاڭبىر جاۋىپ، نايزاعاي وينايدى. قازاقستاننىڭ باتىس جانە سولتۇستىك-باتىس وبلىستارى وسى كەزەڭ ىشىندە اتموسفەرالىق اۋا اعىنىنىڭ ىقپالىندا بولادى، سوندىقتان بۇل جەرلەردە اۋا رايى بۇلتتى جانە جاڭبىرلى بولۋى ىقتيمال.