17:07, 05 - مامىر 2017 | GMT +5
تاشكەنت اۋەجايىنا يسلام كاريموۆتىڭ ەسىمى بەرىلدى
استانا. قازاقپارات - وزبەكستان پرەزيدەنتى شاۆكات ميرزيايەۆ تاشكەنت حالىقارالىق اۋەجايىنا بۇرىنعى پرەزيدەنت يسلام كاريموۆتىڭ اتىن بەرۋ تۋرالى جارلىق شىعاردى.
جەرگىلىكتى اقپارات قۇرالدارىنىڭ حابارلاۋىنشا، ميرزيايەۆ جارلىقتى كاريموۆتىڭ ەسىمىن ماڭگى ەستە قالدىرۋ تۋرالى قاڭتار ايىندا بەرگەن ۋادەسىنە ساي شىعارعان.
ميرزيايەۆ وتكەن جىلى جەلتوقساندا كاريموۆكە ەسكەرتكىش ورناتۋعا قاتىستى حالىقارالىق تەندەر جاريالاۋ تۋرالى جارلىق شىعارعان.
2016 -جىلى 2 - قىركۇيەكتە وزبەكستان بيلىگى 78 جاستاعى پرەزيدەنت يسلام كاريموۆتىڭ جۇرەك تالماسىنان قايتىس بولعانىن حابارلاعان. كاريموۆ ەلدىڭ 1989 -جىلدان بەرى قاتاڭ باسقارعان. تاشكەنتتەگى قايتا جوندەلگەن ەجەلگى مەشىت وتكەن جىلعى قىركۇيەكتىڭ ورتاسىنان بەرى كاريموۆتىڭ قۇرمەتىنە يسلام- وتا مەشىتى دەپ اتالادى.
