داۋرەن ابايەۆ استانالىقتاردىڭ جاڭا جۇمىس كەستەسى جايلى ايتتى
«جۇمىس كەستەسىنىڭ ءار ۋاقىتتا بولۋى - كەپتەلىستى شەشۋ تاسىلدەرىنىڭ ءبىرى. ەگەر استانا قالاسىنىڭ اكىمدىگى بارلىق مەكەمەلەر ءۇشىن ەمەس، كەيبىرەۋلەرى ءۇشىن 10-15 مينۋت ارالىقپەن جۇمىس ۋاقىتىن اۋىستىرسا، بۇل كەپتەلىستى ازايتار ەدى، تيىمدىلىك ارتىپ، بۇدان ەلوردا تۇرعىندارى تەك ۇتادى»، - دەدى مينيستر، «حابار» ارناسىندا «اشىق ديالوگ» جوباسى اياسىندا بيلىكتىڭ باستاماسىنا پىكىرىن بىلدىرە وتىرىپ.
سونداي-اق داۋرەن ابايەۆ قالالىقتاردى اكىمدىكتىڭ باستاماسىن قولداۋعا شاقىردى. «مەن پرەزيدەنتتىڭ باسپا ءسوز حاتشىسى بولعان كەزىمدە الەمنىڭ كوپتەگەن ەلدەرىنە باردىق. بۇل پراكتيكا بارلىق جەردە بار. توكيودا، بەرليندە. گوللانديادا جۇمىسشىلار تاڭعى 6 دان ۇشكە دەيىن جۇمىس ىستەيتىنىن ناقتى بىلەمىن. ۇشتە جۇمىستارىن اياقتايدى دا، كۇنى بويى بوس بولادى»، - دەدى ۆەدومستۆو باسشىسى.
1- ماۋسىمنان باستاپ استانا تۇرعىندارىنىڭ جۇمىس كەستەسى وزگەرەتىنىن اتاپ وتەمىز. شارا ەكسپو قارساڭىندا ەلوردا جولدارىنىڭ جۇكتەمەسىن ازايتۋ ءۇشىن ەنگىزىلەدى. قۇرىلىس كومپانيالارىنىڭ جۇمىس كەستەسىن - 09:00 - 07:00، ونەركاسىپتىك جانە وندىرىستىك سەكتور ۇيىمدارىمەن بىرلەسىپ قالانىڭ كوممۋنالدىق قىزمەتتەرىن - 09:00 - 07:30، قارجى ينستيتۋتتارىمەن بىرلەسىپ، حالىققا قىزمەت كورسەتۋ ورتالىقتارىن - 09:00 - 10:00، ساۋدا جانە دەمالىس ۇيىمدارىن - 10:00 -10:30، ۇلتتىق كومپانيالاردى - 09:00 - 09:30، سونداي-اق رەسپۋبليكالىق باسقارۋ ورگاندارى مەن جەرگىلىكتى اتقارۋشى ورگاندارىنىڭ جۇمىس كەستەسىن - 09:00 - 08:30، ءبىلىم بەرۋ مەكەمەلەرىن (كوللەدج جانە ج و و- لار) - 08:00- 10:00 گە دەيىن وزگەرتۋ ۇسىنىلادى.
