سومكەسىنە جىلان مەن كەسىرتكە جاسىرعان ازامات ۇستالدى

استانا. قازاقپارات - امستەردام اۋەجايىندا سومكەسىندە جىلان جانە كەسىرتكە جاسىرعان رەسەي ازاماتى ۇستالدى ، دەپ حابارلايدى قامشى اقپاراتتىق اگەنتتىگى life.ru عا سىلتەمە جاساپ.

رەسەي ازاماتىن حالىقارالىق امستەردام اۋەجايىندا ۇستادى. تەرگەۋ بارىسىندا رەسەي ازاماتىنىڭ برازيليادان كەلە جاتقانى ءمالىم بولدى. ەر ادامنىڭ جول سومكەسىنەن پلاستيكالىق ىدىستارعا سالىنعان جىلان مەن كەسىرتكە تابىلدى. جاس جىگىت رەسەي جەرىنە وزىمەن بىرگە 33 تاراقان، سيرەك كەزدەسەتىن كەسىرتكە مەن 20 باقا جانە 26 جىلان الىپ وتپەكشى بولعان. قازىر رەسەي ازاماتى قاماۋدا وتىر. ءىستىڭ ءمان- جايى انىقتالۋدا.