ءبىلىم مينيسترلىگىنىڭ بۇيرىعىمەن وقۋشىلاردىڭ ءۇي تاپسىرماسى قىسقارتىلدى

استانا. قازاقپارات - ق ر ءبىلىم جانە عىلىم مينيسترلىگىنىڭ بۇيرىعىمەن رەسپۋبليكانىڭ مەكتەپتەرىندە ءۇي تاپسىرماسىن ۇيىمداستىرۋ جانە ورىنداۋ جونىندەگى ادىستەمەلىك نۇسقاۋلىقتار بەكىتىلدى، دەپ حابارلايدى ۆەدومستۆونىڭ باسپا ءسوز قىزمەتى.

2017-جىلعى 24- ساۋىردە ق ر ءبىلىم جانە عىلىم ءمينيسترى ە. ك. ساعاديەۆ 182№  بۇيرىعىمەن رەسپۋبليكانىڭ مەكتەپتەرىندە ءۇي تاپسىرماسىن ۇيىمداستىرۋ جانە ورىنداۋ جونىندەگى ادىستەمەلىك نۇسقاۋلىقتاردى بەكىتتى.

بۇل ۇسىنىستاردىڭ نەگىزىن «اقپاراتتىق-تالداۋ ورتالىعى» ا ق وتكەن جىلعى ساۋىردەن جەلتوقسانعا دەيىن ىسكە اسىرىلعان جوباسىنىڭ ناتيجەلەرى قۇرادى.

ق ر ب ع م مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى ج. ا. جونتايەۆا، باسقارما باسشىسى ت. ج. جاكەنوۆا، باس ساراپشىلار ا. ا. كەمالوۆا جانە ب. ا. قاباتوۆالاردىڭ جەتەكشىلىگىمەن جارتى جىل بويى ۇسىنىستار ۆەدومستۆولىق باعىنىستى ۇيىمدارمەن، وڭىرلەردىڭ مەكتەپتەرىمەن جان-جاقتى تالقىلاۋدان جانە رەسمي ۆەب-سايتتار ارقىلى داۋىس بەرۋدەن ءوتتى.

قازاقستاندىق مەكتەپتەردىڭ تاريحىندا العاش رەت بەيىندى ۆەدومستۆولىق دەڭگەيدە ەلىمىزدىڭ وقۋشىلارىنىڭ ءۇي تاپسىرماسىن مولشەرلەۋ ادىستەمەسىن قامتيتىن قۇجات قابىلداندى.

ءبىز ادىستەمەلىك نۇسقاۋلار وقۋشىلاردىڭ وقۋ جۇكتەمەسىن تومەندەتەتىن، ولاردىڭ وزدىك جۇمىسقا ىنتاسىن جانە جالپى العاندا ۇلگەرىم ساپاسىن ارتتىراتىن ارەكەتتى قۇرال بولادى دەپ ۇمىتتەنەمىز.