ەكسپو كورمەسى اياسىندا استانادا قانداي شارالار وتەدى؟
2017-جىلدىڭ ماۋسىم-قىركۇيەك ايلارىندا قالا اكىمدىگى 647 مادەني-بۇقارالىق شارا ۇيىمداستىرادى. جوسپارلانعان شارالار حالىقتىق سەرۋەن، مادەني-بۇقارالىق، وتباسىلىق دەمالىس، فەستيۆالدەر، كورمەلەر، تەاترلاندىرىلعان جانە سيرك قويىلىمدارى سىندى ءتۇرلى فورماتتا وتكىزىلەدى.
وعان قوسا، ەكسپو كورمەسىنىڭ رەسمي اشىلۋ جانە جابىلۋ سالتاناتىن قالانىڭ ءۇش اۋدانىندا تىكەلەي ەفيردەن تاماشالاۋعا بولادى. ۇلكەن LED ەكراندار «بايتەرەك» مونۋمەنتىنىڭ الدىنداعى الاڭدا، قالالىق الاڭدا جانە ستۋدەنتتىك ساياباقتا ورناتىلادى. ءۇش اي بويى ەلوردا ساياباقتارىندا بالالار مەن ەرەسەكتەرگە ارنالعان مىڭنان استام ويىن-ساۋىق شاراسى وتەدى.
استانالىق، ستۋدەنتتىك، جەرۇيىق، پرەزيدەنتتىك جانە اراي ساياباقتارىندا «ساياباقتىڭ جەتى كەرەمەتى» اتتى شارا ۇيىمداستىرىلادى.
وندا قازاق ەرتەگىلەرىنىڭ، ديسنەيلىك كەيىپكەرلەر مەن روبوتتاردىڭ قاتىسۋىمەن 7 شوۋ-باعدارلاما كوپشىلىك نازارىنا ۇسىنىلادى. شوۋ جۇمىس جانە دەمالىس كۇندەرى - كۇنىنە 2 رەت وتەدى.
ادەتتەگىدەي، سۋلى-جاسىل بۋلۆار بويى اشىق اسپان استىنداعى كورمە پاۆيلونىنا اينالادى. مۇندا ەلوردا تۇرعىندارى مەن قوناقتارىنىڭ سۇيىكتى شارالارىنىڭ ءبىرى ⅢAstana Art Fest حالىقارالىق فەستيۆالى ۇيىمداستىرىلادى.
بيىلعى ارت-فەستيۆالگە قازاقستان، رەسەي، وزبەكستان، قىرعىزستان، جاپونيا، ارمەنيا، ۋكراينا، گەرمانيا سىندى الەمنىڭ 9 ەلىنەن سۋرەتشىلەر، ديزاينەرلەر، ساۋلەتشىلەر، مۋزىكانتتار مەن رەجيسسەرلەر كەلەدى.
دايىن جۇمىستار جەلەكجولعا 1- ماۋسىمنان باستاپ قويىلادى، ال فەستيۆال 10- ماۋسىمدا اشىلادى. سونداي-اق، قازىرگى زامانعى ونەر، ساۋلەت جانە ديزاين بويىنشا دارىستەر مەن شەبەرلىك ساباقتارىن وتكىزۋگە ارنالعان ارنايى ورىندار ازىرلەنەدى.
«ەكسپو» حالىقارالىق كورمەسى سىندى ءىرى شارا بارىسىندا استانادا ۇلتتىق ەرەكشەلىگىمىزدى دارىپتەيتىن شارالار دا ۇيىمداستىرىلادى. سونىڭ ءبىرى - ءداستۇرلى قازاق مۋزىكاسىنىڭ «استاناعا تارتۋ» كونسەرتىندە كورەرمەندەر «جەتىسۋ»، «ارقا»، «سىر» جانە «باتىس» سىندى ءتورت ءتۇرلى ءداستۇرلى ءان ايتۋ مەكتەبى وكىلدەرىنىڭ ورىنداۋىندا قازاق حالقىنىڭ باي فولكلورىمەن تانىس بولادى.
ودان بولەك، حالىق اسپاپتارى وركەسترلەرىنىڭ «سەرپەر» فەستيۆالى، ۇرمەلى اسپاپتار وركەسترلەرىنىڭ «استانا سامالى» فەستيۆالى وتەدى. تەاتر اپتالىعى دا ەلوردادا 5 جىلدان بەرى ۇزبەي وتكىزىلىپ كەلەدى. جىل سايىن «ساحنادان سالەم» فەستيۆالىندە قازاقستان مەن شەت مەملەكەتتەردىڭ ۇزدىك تەاتر ۇجىمدارى باس قوسادى.
مادەني-بۇقارالىق شارالار استانا ماڭىنداعى تۇرعىن الاپتارىندا دا وتەدى. پريگورودنىي، ينتەرناتسيونالنىي، ميچۋرينو، كۇيگەنجار، ءوندىرىس، جەلەزنودوروجنىي، ۇركەر، كوكتال جانە پرومىشلەننىي تۇرعىن الاپتارىنىڭ حالقى دەمالىس كۇندەرى قازاقستاندىق ارتيستەر مەن ەلوردانىڭ شىعارماشىلىق ۇجىمدارىنىڭ قاتىسۋىمەن «دۋماندى سارى ارقا» كونسەرتىن تاماشالاي الادى.
ادەتتەگىدەي، ەلوردا كۇنى اياسىندا استانادا ەسترادا جۇلدىزدارىنىڭ كونسەرتتەرى وتەدى. بيىل قالانىڭ كونسەرت زالدارىندا «مۋزارت»، «دەرۆيشي» توپتارىنىڭ كونسەرتتەرى، سەكەن تۇرىسبەك پەن التىنبەك قورازبايەۆتىڭ شىعارماشىلىق كەشتەرى ۇيىمداستىرىلادى.
سونىمەن قاتار، جازدا «استانا جۇلدىزى» ۇلتتىق كاسىبي مۋزىكالىق سىيلىعىن تابىستاۋ سالتاناتى وتەدى. شاراعا وتاندىق ەسترادانىڭ تانىمال وكىلدەرى قاتىسادى جانە «جىلدىڭ ۇزدىك ورىنداۋشىسى» انىقتالادى. «ەكسپو-2017» حالىقارالىق كورمەسى اياسىندا وتەتىن مادەني شارالار جوسپارىنا ءتۇرلى جانرداعى كونسەرتتەر دە ەنگىزىلگەن. 23-24- ماۋسىم كۇندەرى «بايتەرەك» مونۋمەنتى الدىندا زاماناۋي ەتنيكالىق مۋزىكا فەستيۆالى وتەدى.
ساحنا تورىندە افريكا، ا ق ش، ماكەدونيا، گرۋزيا، ۆەنگريا، رەسەي، قازاقستان، باشقۇرتستان، بۋرياتيا جانە تۋۆا مەملەكەتتەرىنىڭ مۋزىكالىق ۇجىمدارى ءوز ونەرلەرىن ورتاعا سالادى. 15- شىلدە كۇنى «سان-رەمو جۇلدىزدارى استانادا» فەستيۆالىن تاماشالاۋعا بولادى. «ازيا جاڭعىرىعى» X حالىقارالىق سيرك ونەرى فەستيۆالى دە وتباسىلىق دەمالىسقا ارنالعان شارالاردىڭ ءبىرى بولماق.
سونىمەن بىرگە، جاستارعا ارنالعان ەلەكتروندى مۋزىكا فەستيۆالى جانە كوشە ءبيى فەستيۆالى وتەدى. 30- ماۋسىمنان 2- قىركۇيەككە دەيىن ءار دەمالىستا «بايتەرەك» مونۋمەنتىنىڭ الدىنداعى الاڭدا، قالالىق الاڭدا جانە ستۋدەنتتىك ساياباقتا اشىق اسپان استىندا «ەسىل كەشتەرى» كونسەرتتەرى ۇيىمداستىرىلادى.
بۇدان بولەك، حالىقارالىق كورمە بارىسىندا Astana Game Fest العاشقى گەيمەرلەر فەستيۆالى وتەدى. شارا اياسىندا كومپيۋتەرلىك ويىندار بويىنشا حالىقارالىق جارىستار، روبوتوتەحنيكادان شەبەرلىك سىنىپتارى، جاڭا ويىنداردىڭ پرەزەنتاتسيالارى، دروندار شوۋى جانە ت. ب. شارالار ۇيىمداستىرىلادى.
«ەكسپو» حالىقارالىق كورمەسى اياسىندا وتەتىن شارالار باعدارلاماسىنا سپورتتىق جارىستار دا ەنگىزىلدى. مامىر ايىنىڭ ورتاسىنان باستاپ جەكسەنبى كۇندەرى استانالىق، جەرۇيىق جانە ستۋدەنتىك ساياباقتاردا Astana Fitness Park شاراسى وتەدى.
شارا بارىسىندا كاسىپقوي باپكەرلەردىڭ جەتەكشىلىگىمەن كروسسفيت، يوگا، زۋمبا جانە ت. ب. بويىنشا جاتتىعۋ جاساۋعا بولادى. 25- ماۋسىم كۇنى استانادا دۋاتلوننان ءۇشىنشى قالالىق تۋرنير وتكىزىلەدى. وعان 18 جاستان اسقان ازاماتتار قاتىسا الادى.
استانا قالاسىنىڭ اكىمدىگى الەكساندر ماسلياكوۆتىڭ قاتىسۋىمەن ك ۆ ن-نىڭ حالىقارالىق جازعى كۋبوگىن، «بارىس ارەنا» ستاديونىندا وليمپيادا چەمپيونى ەۆگەني پليۋشەنكو مەن مانەرلەپ سىرعاناۋدىڭ وزگە دە جۇلدىزدارىنىڭ كەشىن، قازاقستاندىق جانە شەتەلدىك ەسترادا جۇلدىزدارىنىڭ قاتىسۋىمەن مۋزىكا ونەرىنە قوسقان ۇلەسى ءۇشىن ناگرادالار تابىستالاتىن «استانا داۋىسى» حالىقارالىق مۋزىكا فەستيۆالىن ۇيىمداستىرادى.
اۆتور: ايجان سەرىكجان قىزى
