ءۇش جاسار ميراس ءبىر جىلدان بەرى قايرات نۇرتاستى جىلاپ ىزدەپ ءجۇر - كەسكىن

استانا. قازاقپارات - الماتى قالاسىنىڭ 3 جاسار تۇرعىنى ميراس امان ۇلى ءبىر جىلدان بەرى اتا- اناسىن ابدەن اۋرەگە سالعان. ءار ءتۇنى اتا- اناسىنا «مەنى قايرات نۇرتاسقا جەتكىزىڭدەر» دەپ كوشەگە شىعىپ كەتەدى ەكەن.

 بۇل تۋرالى Stan.kz سايتىنا ميراستىڭ مەرۋەرت ەسىمدى اپكەسى حابارلاپ، ۆيدەوسىن بەردى.

 وندا كىشكەنتاي بالاقاي تۇنگى ساعات 02:00 دە ءانشى قايرات اعاسىن ىزدەپ كوشەگە شىققان. اكەسىنىڭ كولىگىنە وتىرىپ الىپ، تۇسپەي تۇر. ءتىپتى ەكى كوزى جاسقا تولىپ، ءانشىنى كورسە نە ىستەيتىنىن ايتىپ تۇر. اكەسىنىڭ « ءتۇن بولدى، ەرتەڭ باراسىن» دەگەن سوزىنە دە الدانار ەمەس.

 ميراس ەسىن بىلگەلى قايرات نۇرتاستىڭ اندەرىن تىڭداپ، سوزدەرىن قايتالاپ جۇرەتىن كورىنەدى. ەندىگى ارمانى ءانشى اعاسىن كورىپ، وعان ولەڭ وقىپ بەرۋ. ءبۇلدىرشىننىڭ اتا- اناسى كەيدە ءتۇننىڭ جارىمىنا دەيىن بالالارىن ۇيگە كىرگىزە الماي اۋرەگە تۇسەتىندەرىن ايتادى.

 ميراستىڭ بالا كۇنگى بۇل ارمانىنا العاشىندا كورشىلەرى مەن تۋىستارى تاڭ قالعان كورىنەدى.