تاۋقىمەتتى تاعدىر باياندالعان «الجير» فيلمىنىڭ پرەمەراسى وتەدى
دەپ حابارلايدى قازاقپارات.
كينو- تۋىندىدا «حالىق جاۋى» اتانعان ەل جايساڭدارىنىڭ جۇبايلارى مەن بالالارىنىڭ «الجير» لاگەرىندە اجالمەن ارپالىسىپ وتكەن ءومىرى، تاۋقىمەتتى تاعدىرى باياندالادى.
«فيلمنىڭ باس كەيىپكەرلەرىنىڭ ءبىرى، سۆەتا ەسىمدى بويجەتكەن اجەسىنىڭ سوڭعى اماناتىن ورىنداۋ ءۇشىن، رەسەيدەن استاناعا اتتانادى. ونىڭ قولىندا، اجەسىنىڭ وسى لاگەردە باسىنان وتكىزگەن وقيعالارى جايلى جازىلعان ەسكى كۇندەلىگى ساقتالعان. سۆەتانىڭ ماقساتى - قىلىشىنان قان تامعان سۇراپىل «قىزىل تەررور» جىلدارى اناسى مەن اجەسىن اشتىق پەن اجالدان، قيىن جاعدايعا قاراماستان، قورىقپاي امان الىپ قالعان، ءاليحان ەسىمدى قازاق جاۋىنگەرىن ىزدەپ تابۋ. ول كىسى بۇگىنگى كۇنى جاسى توقساننان اسقان اۋىل اقساقالى. سۆەتا مەن قارت ءاليحان بۇكىل فيلم بويى ازاپتا وتكەن سوناۋ سۇراپىل جىلداردى ەسكە الىپ، قايتادان سول كەزدەرگە ورالعانداي بولادى»، - دەلىنگەن باسپا ءسوز بايانىندا.
ساياسي قۋعىن- سۇرگىننىڭ 80 جىلدىعىنا وراي تۇسىرىلگەن فيلمنىڭ قويۋشى- رەجيسسەرى ءانۋار رايبايەۆ، رولدەردى سومداعان: قوبىلاندى بولات، التىناي نوگەربەك، اننا ستارچەنكو جانە ت. ب.
