مەملەكەت باسشىسىنىڭ كەز كەلگەن بۇيرىعىن ورىنداۋعا دايىنبىز - گەنەرال- مايور وسپانوۆ

استانا. قازاقپارات - قازاقستان قارۋلى كۇشتەرى مەملەكەت باسشىسىنىڭ كەز كەلگەن بۇيرىعىن ورىنداۋعا ساقاداي- ساي. مۇنداي پىكىردى «باتىس» وڭىرلىك قولباسشىلىعى اسكەرلەرىنىڭ قولباسشىسى، گەنەرال- مايور داۋلەت وسپانوۆ ءبىلدىردى، دەپ حابارلايدى قازاقپارات.

 ق ر قارۋلى كۇشتەرىنىڭ 25 جىلدىق مەرەيتويىنا وراي قازاقپارات تىلشىسىمەن سۇحباتتاسقان گەنەرال- مايور بۇگىندە ەلىمىزدىڭ اسكەرى تەحنيكالىق جانە ماتەريالدىق جاعىنان تولىقتاي قامتاماسىز ەتىلگەندىگىن باسا ايتتى.

«باس قولباسشى پرەزيدەنت نۇرسۇلتان نازاربايەۆتىڭ ۇنەمى قامقورلىعىنىڭ ارقاسىندا قارۋلى كۇشتەرىمىز تولىقتاي قالىپتاسىپ، تەحنيكالىق جانە ماتەريالدىق جاعىنان وتە جاقسى قامتاماسىز ەتىلگەن. ءبىز مەملەكەت باسشىسىنىڭ كەز كەلگەن بۇيرىعىن ورىنداۋعا دايىنبىز. اسكەرلەرىمىز وتە جوعارى جاۋىنگەرلىك دايىندىقتا، جاقسى ۇيرەنگەن، وتانشىلدىق رۋحتارى دا جوعارى»، - دەدى داۋلەت وسپانوۆ.

گەنەرال- مايور وسپانوۆ داۋلەت رىسقۇلبەك ۇلى ريازان جوعارى اسكەري قولباسشىلىق بايلانىس ۋچيليشەسىن، 2000 -جىلى ق ر قارۋلى كۇشتەرى اسكەري اكادەمياسىن بىتىرگەن. 2015 -جىلدىڭ قازان ايىندا ق ر پرەزيدەنتىنىڭ وكىمىمەن «باتىس» وڭىرلىك قولباسشىلىعى اسكەرلەرىنىڭ قولباسشىسى بولىپ تاعايىندالعان. 2- دارەجەلى «ايبىن» وردەنىمەن، مەرەيتويلىق مەدالدارمەن ماراپاتتالعان.

ايتا كەتەيىك، قازاقستان قارۋلى كۇشتەرىنىڭ 25 جىلدىق مەرەيتويىنا وراي «قازاقپارات» ح ا ا ەلىمىزدىڭ قورعانىس مينيسترلىگىمەن بىرلەسىپ، وقىرمان نازارىنا «25 وتان قورعاۋشى» اتتى ارنايى جوبانى ۇسىنادى. وندا قازاقستاندىق ارمياداعى قىزمەتىن كۇندەلىكتى ءىس ەمەس، بورىشىم دەپ سانايتىن قازاقستاندىق اسكەري قىزمەتشىلەر جايىندا ءسوز قوزعالادى.

اۆتور: مارلان جيەمباي