12:42, 03 - مامىر 2017 | GMT +5
اقوردادا تاريحي قۇجات - ق ر قارۋلى كۇشتەرىن قۇرۋ تۋرالى جارلىق جاريالاندى
استانا. قازاقپارات - اقوردانىڭ فەيسبۋكتەگى پاراقشاسىندا تاريحي قۇجات - قازاقستان رەسپۋبليكاسى قارۋلى كۇشتەرىن قۇرۋ تۋرالى ەلباسى جارلىعىنىڭ سۋرەتى جاريالاندى، دەپ حابارلايدى قازاقپارات.
سونداي-اق، مەملەكەت باسشىسىنىڭ قازاقستان رەسپۋبليكاسى قارۋلى كۇشتەرىنىڭ تاريحى تۋرالى بايانداماسىنان ءۇزىندى (2007-جىلعى 7- مامىر) جاريالاندى: «بىزدە ماماندار دا، تاجىريبە دە بولعان جوق. ەگەمەن قازاقستاننىڭ ارمياسى قانداي بولۋعا ءتيىس ەكەندىگى جونىندە تۇسىنىگىمىز بولمادى. وسىنداي جاعدايدا رەسپۋبليكا اۋماعىنداعى جانە ورتالىق ازيا مەن تۇركىستان اسكەري وكرۋگىنەن قالعان بارلىق قۇرىلىمداردى، سونداي-اق اۋعانستانداعى سوعىستان ورالعان 40-ارميانىڭ بولىمشەلەرىن قازاقستان قارۋلى كۇشتەرىنىڭ بولىمدەرى دەپ جاريالاۋ تۋرالى شەشىم قابىلداندى. مەن مۇنداي جارلىققا 1992-جىلعى 7- مامىردا قول قويدىم».
