تەڭىز جاعالاۋىنداعى مەملەكەتتەر «كاسپيگە ساياحات» جوباسىن جۇزەگە اسىرماقشى
جاعالاۋداعى مەملەكەتتەر بىرلەسىپ، «كاسپيگە ساياحات» دەپ اتالاتىن جوبانى جۇزەگە اسىرماق. وسىدان 10 جىل بۇرىن رەسەيدىڭ مۇحيتقا ارنالعان الىپ كەمەسى اقتاۋ پورتىنا العاشقى ساياحاتتاۋشىلاردى الىپ كەلگەن ەدى.
كەمە يەسىنە بۇل جوبا تىم قىمباتقا تۇسكەندىكتەن، ساياحات ودان ءارى جالعاسقان جوق. اراعا 8 جىل سالىپ، بورتىندا 87 تۋريست بار ەكىنشى سۋ كولىگى باۋتينو پورتىنا تابان تىرەدى. رەسەيلىك مەيماندار بىرنەشە كۇن قازىنالى ماڭعىستاۋ تۇبەگىن ارالاپ، قازاق مادەنيەتىمەن جاقىنىراق تانىسقان بولاتىن. ەكى ەل زاڭىنداعى كەيبىر كەدەرگىلەرگە بايلانىستى الگى كەمە كەلەسى جولى قازاقستاننىڭ اۋماعىنا كىرە الماي قالدى.
اقتاۋلىق تۋريستىك فيرمانىڭ باسشىسى:
«بۇل باستاما جالعاسىن تابۋى قاجەت»، - دەپ سانايدى.
تەڭىز جاعالاۋىنداعى مەملەكەتتەر «كاسپييگە ساياحات» جوباسىن جۇزەگە اسىرماقشى.
ەۆگەنيا سليۋساريەۆا، «تۋريست» ج ش س ديرەكتورى:
- بۇل - تۋريزم نارىعىنداعى سەرپىندى جوبالاردىڭ ءبىرى. سەبەبى كاسپييدە كەمەلەرمەن سەرۋەندەۋدى ۇيىمداستىرۋ مۇنداعى 5 مەملەكەت ءۇشىن دە پايدالى بولماق. سوندىقتان دا بۇل ىسكە بارلىعىمىز بىرلەسە اتسالىسۋىمىز قاجەت. بيلىك پەن كاسىپكەرلەردىڭ قولداۋى ماڭىزدى. تەڭىزگە ساياحاتتى ۇيىمداستىرۋ ءۇشىن ءبىرقاتار ماسەلەنى شەشۋ قاجەت. ماسەلەن، كاسپيي ايماعىنداعى ەلدەر اراسىندا ۆيزالىق ءتارتىپتى سايكەستەندىرۋ كەرەك. سونداي- اق جوباعا ينۆەستورلاردىڭ قولداۋى قاجەت بولادى.
گۇلجان بايجاۋىنوۆا، ماڭعىستاۋ وبلىستىق تۋريزم باسقارماسىنىڭ باسشىسى:
- مەملەكەت باسشىسى جۋىردا ماڭعىستاۋ وبلىسىنا جاساعان ساپارىندا ايماقتا تۋريزمدى دامىتۋ ءۇشىن ءبىرقاتار جۇمىس اتقارۋدى تاپسىرعان بولاتىن. وسىعان وراي وبلىس اكىمىنىڭ جەتەكشىلىگىمەن اقتاۋدا تۋريزمدى دامىتۋدىڭ باس جوسپارىن ازىرلەپ جاتىرمىز. وندا تەڭىز ساياحاتىنان باستاپ، قالانى اباتتاندىرۋ، جاڭا جاعاجايلار سالۋ، جاعالاۋعا ينفراقۇرىلىم جۇرگىزۋ ءىسى قاراستىرىلعان.
كاسپييدى كەمەمەن ارالاۋ جوباسىن جۇزەگە اسىرۋعا قازاقستان باستاماشى بولعان. بۇل يدەيانى وزگە مەملەكەتتەر ءىلىپ اكەتتى. قازىر رەسەي، يران جانە ازەربايجان ەلدەرى وزدەرىنىڭ ساياحاتتاۋ باعىتىن ازىرلەپ جاتىر. جولاۋشىلار كەمەلەرى 5 ەلدىڭ پورتىنا ايالداماق. ولاردىڭ قاتارىندا قازاقستاننىڭ پورتتارى دا بار.
بليتس:
- تەليەۆيزوردان كورىپ جاتىرمىز، ۇلكەن لاينەردىڭ ىشىنەن اسحاناسى، مەيرامحاناسى بار، تۋريستەر وتباسىلارىمەن سولاي قىدىرىپ جۇرەدى ەكەن. سونداي مۇمكىنشىلىك بولسا، وتە قۋانىشتى بولار ەدىم. كاسپيدە كەمەمەن ساياحات جاساۋدى اسىعا كۇتۋدەمىز. ەگەر سونداي تۋرلار اشىلاتىن بولسا، ءبىز ارينە قۋانا- قۋانا بارامىز. ويتكەنى ءبىز قىدىرعاندى جاقسى كورەمىز.
قازىر رەسەي مەن يراننىڭ كەمە جاساۋ زاۋىتتارى ساياحاتقا ارنالعان لاينەرلەردى قۇراستىرىپ جاتىر. جولاۋشى كەمەلەرى ساناۋلى جىلداردان سوڭ، تەڭىزگە جىبەرىلمەك. ول ۋاقىتقا دەيىن الىپ سۋ كولىكتەرىن قابىلداي الاتىن قۇرىق پورتىنداعى قۇرىلىس تا تولىق اياقتالادى.
www.khabar.kz
