ەلوردادا قازاق حالقىنىڭ سالت- ءداستۇرى مەن مادەنيەتىن پاش ەتەتىن ەتنواۋىل اشىلادى

استانا. قازاقپارات -  قازاق حالقىنىڭ سالت- ءداستۇرى مەن مادەنيەتىن پاش ەتەتىن الاڭ استانا حالىقارالىق اۋەجايى ماڭىندا ورنالاسادى.

 47 گەكتار اۋماقتا بوي كوتەرگەن اۋىلعا كەلۋشىلەر قىز قۋۋ، اۋدارىسپاق سياقتى ۇلتتىق ويىنداردى تاماشالاپ، قولونەرشىلەردەن شەبەرلىك ءدارىسىن الۋعا مۇمكىندىك الادى. مۇندا كەلگەن قوناقتار ەلىمىزدە تۇراتىن حالىقتاردىڭ ۇلتتىق تاعامدارىنان دا ءدام تاتا الادى. سونداي- اق بايگە مەن كوكپاردان الەم چەمپيوناتىن وتكىزۋ جوسپاردا بار.

 ارىستانبەك مۇحامەدي ۇلى، ق ر مادەنيەت جانە سپورت ءمينيسترى:

- ەتنواۋىلعا كىرۋ تەگىن بولماق. تەك يپپودرومداعى جارىستار مەن كونسەرتتەردى تاماشالاۋ ءۇشىن عانا اقى الىنادى. بۇل شەتەلدىكتەگىلەرگە قازاق حالقىنىڭ سالت- ءداستۇرى مەن مادەنيەتىن كورسەتۋگە جاسالعان جاقسى مۇمكىندىك. ەتنواۋىلدىڭ تۇساۋكەسەرى 1- ماۋسىمعا جوسپارلانىپ وتىر.

www.24.kz