ا ق ش وڭتۇستىك كورەيادا زىمىرانعا قارسى قورعانىس جۇيەسىن ورنالاستىردى

استانا. قازاقپارات - ا ق ش ءوزىنىڭ وڭتۇستىك كورەياداعى زىمىرانعا قارسى قورعانىس جۇيەسىن ورنالاستىرۋدى اياقتادى.

الايدا اسكەريلەر تولىق ءازىر بولۋ ءۇشىن تاعى بىرنەشە اي قاجەت ەكەنىن ايتادى. ال THAAD دەپ اتالاتىن اۋە شابۋىلىنا قارسى قورعانىس كەشەنى وڭتۇستىك كورەياعا ناۋرىز ايىندا پحەنيان 4 زىمىراندى سىناقتان وتكىزگەن سوڭ جەتكىزىلگەن بولاتىن.

 بۇعان دەيىن قارۋ قۇراما شتاتتاردىڭ گاۆاي مەن گۋام ارالىندا ورنالاستىرىلعان. ول 150 شاقىرىم بيىكتىكتە ۇشقان كەز كەلگەن زىمىراندى اتىپ تۇسىرۋگە قاۋقارلى. ال كورەيا تۇبەگىندەگى جاعداي سوڭعى ۋاقىتتا ۋشىعىپ تۇر. ويتكەنى پحەنيان حالىقارالىق قاۋىمداستىقتىڭ تالابىنا قاراماستان يادرولىق باعدارلاماسىن جالعاستىرىپ، زىمىرانداردى سىناقتان وتكىزۋىن توقتاتپادى. وسىعان بايلانىستى ا ق ش وڭىردە كۇشتەرىن شوعىرلاندىرىپ، بىرلەسكەن اسكەري جاتتىعۋلاردى ءجيى وتكىزىپ جاتىر.

www.24.kz