استانادا دۇنيەجۇزى قازاقتارىنىڭ قۇرىلتايى وتەدى
دۇنيەجۇزى قازاقتارى قاۋىمداستىعى ءتوراعاسىنىڭ ورىنباسارى سۇلتانالى بالعابايەۆتىڭ حابارلاۋىنشا، قۇرىلتاي بارىسىندا شەتەلدەگى قازاق مادەني ورتالىقتارىن قارجىلاندىرۋ، باسقا دا كومەك كورسەتۋ، شەتەلدىك جاستاردى قازاقستانعا ءبىلىم الۋعا شاقىرۋ سىندى ماسەلەلەر تالقىلاناتىن بولادى.
«قۇرىلتايدىڭ ماقساتى - شەتەلدەگى قازاقتاردى قازاقستانعا كوشۋگە ىنتالاندىرۋ، ولاردىڭ قانداي قاجەتتىلىكتەرى بارىن انىقتاۋ» ، - دەيدى بالعابايەۆ.
ۇيىمداستىرۋشىلاردىڭ ايتۋىنشا، بيىلعى قۇرىلتايعا شاقىرىلعانداردىڭ باسىم كوپشىلىگى - ءارتۇرلى سالادا جەتىستىكتەرگە جەتىپ جۇرگەن شەتەلدىك قازاق جاستارى. قۇرىلتايعا 40 تان استام مەملەكەتتەن 350 ادام جانە ءارتۇرلى حالىقارالىق ۇيىمداردىڭ وكىلدەرى قاتىسادى دەپ كۇتىلۋدە.
دۇنيەجۇزى قازاقتارىنىڭ I قۇرىلتايى 1992 -جىلى الماتىدا، II قۇرىلتايى 2002 -جىلى تۇركىستاندا وتكىزىلگەن بولاتىن. ال ودان كەيىنگى قۇرىلتايلار 2005 جانە 2011 -جىلدارى ەلوردامىز استانادا ءوتتى.
