ادامزاتتىڭ ءبارىن ءسۇي باۋىرىم دەپ... - الماتىلىقتار بىرلىك كۇنىن تويلاپ جاتىر - فوتو

الماتى. قازاقپارات «ادامزاتتىڭ ءبارىن ءسۇي باۋىرىم دەپ...»، قازاق حالقىنىڭ باس اقىنى اباي قۇنانباي ۇلىنىڭ وسى ءبىر ءتامسىلىن بۇگىنگى مەرەكەنىڭ تۇمارىنداي ەتكەن الماتىداعى حالىقتار بىرلىگى كۇنى قازاقستانداعى تاتۋلىقتى تاعى ءبىر پاش ەتتى، دەپ حابارلايدى قازاقپارات ءتىلشىسى.

الماتىنىڭ رەسپۋبليكا سارايى الدىندا قۇرىلعان باس ساحنا حالىقتار دوستىعى مەن ونەرىنىڭ جارقىن كورىنىسى بولدى. بۇعان دەيىن حابارلاعانىمىزداي، بۇگىنگى ساحنادا ازەربايجان، تاتارستان، وزبەكستاننان كەلگەن انشىلەر وتاندىق ونەرپازدارمەن ساحنا اجارىن كىرگىزسە، 300 ءبيشىنىڭ «قازاقستان ءبىزدىڭ ورتاق ءۇيىمىز» كومپوزيتسياسىن ورىنداۋى كورەرمەن ءۇشىن سىيلىق بولعانى ءسوزسىز.

«300 ءبيشىنىڭ ساحىنا تورىندە بىردەي بيلەۋىن ەرەكشە اتاپ وتەر ەدىم. ءار ۇلت وكىلىنىڭ بيلەرى قانداي تاماشا. اسىرەسە، وزبەكستاننان كەلگەن ءانشىنىڭ ورىنداۋىنداعى «رۋموليم» ءانى مەن بيشىلەرى ءتىپتى، كەرەمەت. مىنا الاڭعا كىرە بەرىسكە ابايدىڭ «ادامزاتتىڭ ءبارىن ءسۇي باۋىرىم دەپ» دەگەن ءسوزىن جازىپ قويىپتى. وتە دۇرىس. قازاقستانىمىزداعى وسى بىرلىك ەشقاشان بۇزىلماسىن»، - دەيدى الماتىعا قوناققا كەلگەن شىعىس قازاقستاندىق ۇستاز بيمايرا وقان قىزى.

ايتا كەتەيىك، بۇگىن الماتىنىڭ 8 -اۋدانىندا 1 -مامىر قازاقستان حالقى بىرلىگى كۇنى تويلانىپ جاتىر. رەسپۋبليكا سارايى الدىنداعى باستى ساحناعا الماتىداعى 34 ەتنو-مادەني بىرلەستىك ءوز شاتىرىن تىگىپ، ءداستۇرىن تانىستىردى. الاڭدا 6 ءتۇرلى تاسىلمەن 300 كەلى كۇرىش ءپىسىرىلدى. بۇگىن كەشكە تۋرەسكي حورى ۇجىمى ونەر كورسەتەدى.

اۆتور: الماس مۇقاش ۇلى