ناپولەوننىڭ اڭىزعا اينالعان ارعىماعىنىڭ تۇياعى تابىلدى - فوتو
بريتاندىق ب ا ق- تاردىڭ حابارلاۋىنشا، ول ەلدىڭ وڭتۇستىك- شىعىسىنداعى ءبىر فەرمەردىڭ ۇيىنەن شىققان. بەلگىلى بولعانداي، سومەرسەتتەگى فەرمەردىڭ ۇيىندەگى شكافتان مارەنگونىڭ تۇياعى تابىلدى.
Times باسىلىمىنىڭ دەرەكتەرىنە قاراعاندا، بۇل ولجا زات ناپولەون ۆاتەرلوو تۇبىندەگى ۇرىستا جەڭىلگەننەن كەيىن 202 جىلدان سوڭ كەزدەيسوق جاسالعان. تۇياق تابىلعان ءۇي سول كەزدەگى داۋلەتتى وتباسىنىڭ يەلىگىندە بولعان كورىنەدى.
ولار اتى اڭىزعا اينالعان مارەنگونى فرانسۋز يمپەراتورىنىڭ ارمياسى 1815 -جىلى تاس- تالقان بولىپ جەڭىلگەننەن كەيىن ساتىپ العان. ايعىردى ۇلى بريتانياداعى فەرمادا 1831 -جىلعا دەيىن قاشان قۇلاپ قالعانشا ۇستاعان. ارعىماق 38 جىل ءومىر ءسۇردى. كەيىننەن ونىڭ قاڭقاسىن لوندونداعى چەلسي اۋدانى اۋماعىنداعى ارميانىڭ ۇلتتىق مۋزەيىنە قويعان. ءبىر قىزىعى، قاڭقانىڭ الدىڭعى اياعىنىڭ تۇياعى بولماعان. ات ولگەننەن سوڭ يەسى وفيتسەر انگەرستەين ودان تەمەكى سالاتىن قۇتى جاساعان. تاماقتان كەيىن شاقىرىلعان قوناقتار جاعالاي كۇمىسپەن بەزەندىرىلگەن قۇتىداعى تەمەكىنى يىسكەيتىن بولعان.
اۆتور: ەرلان قوجاكەلديەۆ
