دەپۋتاتتار سەنبىلىكتە نە ىستەدى - فوتو
دەپ حابارلايدى قازاقپارات ءتىلشىسى.
تاڭعى ساعات 9:00-دە جينالعان دەپۋتتار ءۇشىن شىرشا، قاراعاي، ايۋبادام (بۋزينا)، جيدە، مامىرگۇل، ءتىپتى ەمەن اعاشىن دا دايىنداپ قويدى. جەر الدىن الا تىرمالانىپ، اعاشتى وتىرعىزاتىن شۇڭقىرلار دا قازىلدى. سوندىقتان دەپۋتاتتار ءۇشىن تەك كۇرەك الىپ، اعاشتاردى وتىرعىزۋ عانا قالعان ەدى. سول جەردە جۇرگەن جۇمىسشىلار توپىراقتى دا زەڭبىلمەن جەتكىزىپ تۇردى. حالىق قالاۋلىلارى بولسا، اعاش وتىرعىزىپ قانا قويماي، بەيرەسمي تۇرعىدا اڭگىمەلەسىپ، ءوزارا قالجىڭداسىپ، بۇقارالىق اقپارات قۇرالدارىنا سۇحبات بەرىپ تە ۇلگەردى.
«ءبىز جولدىڭ بويىندا قورشاعان ورتانىڭ جاعىمسىز فاكتورلارىنا ءتوزىمدى اعاش تۇرلەرىن وتىرعىزىپ جاتىرمىز. ونداي اعاشتار ۇزاق ۋاقىت بويى سۋسىز تۇرا الادى. بايقاپ قاراساڭىز، بۇل جەردە كولىكتەر كوپ جۇرەدى، شاڭ- توزاڭ بار. سول سەبەپتى ءتوزىمدى اعاش پەن بۇتالاردى وتىرعىزۋعا تىرىسامىز»، - دەيدى پارلامەنت ءماجىلىسىنىڭ ءتوراعاسى نۇرلان نىعماتۋلين.
وسى جولى سپيكەر فوتو مەن ۆيدەو وبەكتيۆتەرگە ءوزى ءتۇسىپ قانا قويماي، جۋرناليستەردىڭ بىرەۋىن شاقىرىپ، وتىرعىزعان اعاشىن بىرگە سۋاردى. ال ايەل دەپۋتاتتار بولەك توپتاسىپ ءجۇردى. ءوز اعاشتارىن وتىرعىزىپ، فوتوعا ءتۇسىپ ءجۇردى.
«1999 -جىلى استاناعا كەلگەلى بەرى بىردە- ءبىر سەنبىلىكتەن قالعان ەمەسپىن. ءبىر رەتتە قىزمەتتىك ءىس- ساپارمەن كەتىپ قالعاندا قاتتى الاڭدادىم، مەنسىز سەنبىلىك وتپەيتىن سياقتى. مىنە، بۇگىن كەزەكتى رەت شىعىپ، اعاش ەگىپ وتىرمىز. وسى كوشەدەگى اعاشتاردىڭ بارلىعىن مەملەكەتتىك قىزمەتكەرلەر وتىرعىزدى دەۋگە بولادى»، - دەيدى دەپۋتات مايرا ايسينا.
ونىڭ ايتۋىنشا، سەنبىلىكتىڭ باستى ارتىقشىلىعى - كۇندەلىكتى جۇمىستى ءبىر ساتكە ۇمىتىپ، ۇجىمدى باسقا قىرىنان تانۋعا مۇمكىندىك بار.
ايتا كەتەيىك، بۇگىنگى سەنبىلىككە سەنات مەن ءماجىلىس دەپۋتاتتارىنان بولەك، پرەزيدەنت اكىمشىلىگى، پرەمەر- مينيستر كەڭسەسى، «نۇر وتان» پارتياسىنىڭ ورتالىق اپپاراتى جانە باسقا دا ءبىرقاتار مەملەكەتتىك ورگانداردىڭ قىزمەتكەرلەرى قاتىستى. ال اعاشتار استانانىڭ ىرگەسىندەگى باقتان جەتكىزىلدى.
اۆتور: ارمان اسقاروۆ 
