ساعىنتايەۆ تالدىقورعان اۋرۋحاناسىنداعى مامان تاپشىلىعىنا نازار اۋداردى
ۇكىمەت باسشىسى وبلىس ورتالىعىندا بىلتىر پايدالانۋعا بەرىلگەن كوپسالالى اۋرۋحانانى ارالاۋ بارىسىندا م ر ت (ماگنيتتى- رەزونانستى توموگرافيا) اپپاراتىندا ەكى دارىگەر عانا جۇمىس ىستەپ وتىرعانىن ءبىلدى. ال ناۋقاس بۇل اپپاراتقا ءتۇسۋ ءۇشىن كەمىندە ءبىر اپتا بويى كەزەك كۇتۋى ءتيىس. بۇل جونىندە اتالعان مەكەمەنىڭ باسشىلىعى باقىتجان ساعىنتايەۆقا وزدەرى ايتىپ بەرگەن. ۇكىمەت باسشىسى مۇنداي جولدان شىعۋداعى ءوز ويىن ءبىلدىردى. پرەمەر- مينيستر بۇل ولقىلىقتى جەكەمەنشىك مەديتسينا ۇلەسىن ارتتىرۋ ارقىلى تۇزەتۋگە بولاتىنىن جەتكىزدى. ونىڭ پايىمىنشا، جەكەمەنشىك مەديتسيناداعىلار مامان جوق دەپ قول قۋسىرىپ وتىرمايدى. تىعىرىقتان شىعۋدىڭ جولىن تابادى.
ايتا كەتۋ كەرەك، بۇگىندە الماتى وبلىسىنىڭ مەديتسينا سالاسىندا 170-تەن اسا دارىگەر مامانى جەتىسپەيدى. قازىر ەكى ميلليون تۇرعىنى بار وڭىردە 2 گەپاتولوگ (باۋىردى ەمدەيتىن) دارىگەر عانا جۇمىس ىستەيدى.
اۆتور: سامال قابىشيەۆا
