سولتۇستىك كوريا بالليستيكالىق زىمىراندى سىناقتان وتكىزدى

استانا. قازاقپارات - كورەي حالىق دەموكراتيالىق رەسپۋبليكاسى بالليستيكالىق زىمىراندى سىناقتان وتكىزدى.

Reuters-كە سىلتەمە جاساپ تاسس اگەنتتىگىنىڭ مالىمەتىنشە، راكەتا ەل استاناسى پحەنياننىڭ سولتۇستىگىندە ۇشىرىلدى.

Reuters-كە ا ق ش ۇكىمەتىنىڭ قۇرىلىمىنداعى دەرەككوز حابارلاعانىنداي، سىناق ءساتسىز ءوتتى.

اسكەريلەردىڭ مالىمەتىنشە، ۇشىرىلىم جەرگىلىكتى ۋاقىت بويىنشا شامامەن ساعات 05.30-دا (استانا ۋاقىتىمەن 02.30) جاسالدى. ساراپشىلاردىڭ پايىمىنشا، زىمىران كوككە كوتەرىلگەن بىرنەشە سەكۋندتان كەيىن جارىلعان. ماماندار وسى ۋاقىتتا راكەتانىڭ ۇلگىسىن انىقتاۋعا تىرىسۋدا.

 ايتا كەتەيىك، ك ح د ر وسىنىڭ الدىنداعى سىناقتى 15 - ءساۋىر كۇنى ەلدىڭ نەگىزىن قالاۋشى كيم ير سەننىڭ تۋعان كۇنى قۇرمەتىنە وتكىزگەن بولاتىن.