ەكسپو ۇيىمداستىرۋشىلارى ديۋ سولەي سيركىنىڭ بيلەتتەرىن وتە ارزان دەپ اتادى

استانا. قازاقپارات - «ديۋ سولەي تسيركىنىڭ» بيلەتتەرى 24 - ساۋىردەن باستاپ ساتىلا باستادى، دەپ حابارلايدى «قازاقپارات» ح ا ا ءتىلشىسى كوممەرتسيالاۋ دەپارتامەنتىنىڭ ديرەكتورى داۋلەت ەركىمبايەۆتىڭ سوزىنە سىلتەمە جاساي وتىرىپ.

«وسى اپتادا، اتاپ ايتقاندا 24 - ساۋىردەن باستاپ ءبىز «ديۋ سولەي سيركىنىڭ» بيلەتتەرىن ساتۋعا شىعاردىق. بيلەتتەردى ءبىزدىڭ رەسمي كاسسالارىمىزدان، سونداي- اق بيلەتتەردى ساتۋ جونىندەگى سايتتان ساتىپ الۋعا بولادى. بيلەتتەردىڭ باعاسى اعىمداعى ساتتە 4 - 6 مىڭ تەڭگە ارالىعىندا»، - دەپ مالىمدەدى ول.

ونىڭ ايتۋىنشا، الەمگە تانىمال سيركتىڭ ونەرىن تاماشالاۋ ءۇشىن مۇنداي باعا بۇرىن- سوڭدى بولماعان تىم ارزان بولىپ تابىلادى.

 «سالىستىرىپ قاراڭىز: وسى سيرك ۇجىمى رەسەي فەدەراتسياسىندا بىرنەشە جىلدان بەرى ونەر كورسەتىپ كەلەدى جانە بيلەتتىڭ ەڭ تومەنگى باعاسى ءبىزدىڭ ۆاليۋتاعا شاققاندا شامامەن 20 مىڭ تەڭگەنى قۇرايدى. ەۋروپانىڭ باتىس ەلدەرىندە جانە ا ق ش- تا «ديۋ سولەي سيركىنىڭ» بيلەتتەرى شامامەن 45 مىڭ تەڭگە تۇرادى»، - دەپ اتاپ ءوتتى ەركىمبايەۆ.