قازاقستاننىڭ قىتايداعى دوستار كلۋبى بەيجىڭدە ءۇشىنشى وتىرىسىن وتكىزدى

 بەيجىڭ. قازاقپارات - بەيجىڭدە «نۇرلى جول» - قازاقستاننىڭ جاڭا ەكونوميكالىق ساياساتىنىڭ جانە «ءبىر بەلدەۋ، ءبىر جول» قىتايلىق باستاماسىنىڭ تۇيىندەسۋىندەگى ماسەلەلەر» تاقىرىبىندا «قازاقستاننىڭ قىتايداعى دوستار كلۋبىنىڭ» ءۇشىنشى وتىرىسى ءوتتى،

 دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

 ق ح ر- داعى ق ر توتەنشە جانە وكىلەتتى ەلشىسى شاحرات نۇرىشيەۆ وتىرىس بارىسىندا قازاقستان پرەزيدەنتىنىڭ ماڭىزدى باستامالارى تۋرالى ايتىپ بەردى.

«جىبەك جولىنىڭ ەكونوميكالىق بەلدەۋىن» قالىپتاستىرۋ تۋرالى باستاما - ەكىجاقتى قارىم- قاتىناستىڭ جاڭا كەزەڭىنىڭ باستالۋىن كورسەتەدى (...). بۇگىن دە ءبىز «نۇرلى جول» جاڭا ەكونوميكالىق ساياساتى مەن «ءبىر بەلدەۋ، ءبىر جول» باستاماسى ءبىرىن- ءبىرى تولىقتىرىپ جاتىر دەپ سەنىممەن ايتا الامىز»، - دەدى ول.

 «2015 -جىلدىڭ جەلتوقسان ايىندا قۇرىلعان «استانا» حالىقارالىق قارجى ورتالىعى قازاقستان ينفراقۇرىلىمىنىڭ وشاعىنا اينالىپ، ە ا ە و مەن ورتالىق ازيا قارجى حابىنىڭ ءرولىن اتقارۋى كەرەك»، - دەپ اتاپ ءوتتى نۇرىشيەۆ.

 ول «بەس ينستيتۋتسيونالدىق رەفورما» ۇلت جوسپارى ينۆەستيتسيالىق تارتىمدىلىقتى ارتتىرىپ، بيزنەس- كليماتتىڭ وڭ قالىپتاسۋىنا ىقپال ەتەتىندىگىن ەسكەرىپ ءوتتى.

ەسكە سالايىق، «قازاقستاننىڭ قىتايداعى دوستار كلۋبى» 2015 -جىلدىڭ 10 - قاراشا كۇنى قۇرىلدى. ونىڭ قۇرىلتايشىلار وتىرىسىندا «ءبىز بەن ءسىز: قىتاي مەن قازاقستان تاريحى» كىتابىنىڭ تۇساۋكەسەرى وتكىزىلدى.