قانجىعالى بوگەنبايدىڭ ايبالتاسى ق ر اسكەري- تاريحي مۋزەيىنە تاپسىرىلدى
دەپ حابارلايدى اتالعان پارتيانىڭ باسپا ءسوز قىزمەتى.
بوگەنباي باتىرعا تيەسىلى قۇندى جادىگەردى باتىردىڭ ۇرپاقتارى عاسىردان عاسىرعا امان- ەسەن جەتكىزىپ، ساقتاپ كەلگەن. بۇل ايبالتا - بوگەنبايداي باتىردىڭ قالماققا قارسى كوتەرگەن بەس قارۋىنىڭ ءبىرى بولعان. ەندى بۇل تاريحي جادىگەردى كوپشىلىك مۋزەي كورمەسىنەن كورە الادى.
راسىمگە مۋزەي باسشىلىعى جانە پارتيا ۇجىمى، ق ر پارلامەنتى ءماجىلىسىنىڭ دەپۋتاتتارى، ب ا ق وكىلدەرى قاتىستى. سالتاناتتى شارا بارىسىندا «اق جول» جەتەكشىسى ازات پەرۋاشيەۆ ەلباسى نۇرسۇلتان نازاربايەۆتىڭ «رۋحاني جاڭعىرۋ: بولاشاققا باعدار» ماقالاسىنداعى ۇلتجاندىلىق قاعيداسىنىڭ نەگىزگى ءمانى - ەلدىڭ تاريحىن بىلۋدەن باستالاتىن تۇسىندىرە وتىرىپ، بۇل جادىگەردىڭ بۇگىنگى قوعامنان الار تاريحي قۇندىلىعى مەن وزەكتىلىگىن، باعا جەتپەس، ۇلتتىق اسىل مۇرا ەكەنىن ايتىپ ءوتتى. مۋزەي باسشىسى پەريزات وتەپوۆا باتىردىڭ بۇل جادىگەرىنىڭ مۋزەي كورمەسىندە تۇرۋى ۇلكەن بەدەل ەكەندىگىن ءتۇسىندىرىپ، ۇرپاقتارىنا العىس ايتتى.
