ەكسپو- نىڭ ميلليونىنشى بيلەتىن ساتىپ العان ادامنىڭ ەسىمى جاريالاندى
كورمەگە رۇقسات بەرەتىن ميلليونىنشى بيلەتتىڭ يەگەرى - شىمكەنت قالاسىنىڭ تۇرعىنى قايرات مامايەۆ.
«وڭتۇستىك قازاقستان وبلىسىندا قازىعۇرت دەگەن كيەلى تاۋ بار. سول تاۋدىڭ وڭىرىندە قىزىلدالا دەگەن كىشكەنە اۋىلدا ءوسىپ- ونگەنبىز. 26 جىل بۇرىن شىمكەنت قالاسىنداعى پەداگوگيكالىق ينستيتۋتتى ءبىتىرىپ، قازىر جوعارى ءبىلىم سالاسىندا ۋنيۆەرسيتەت ستۋدەنتتەرىنە ءدارىس بەرىپ كەلەمىز. اعىمداعى جىلى ءساۋىردىڭ 26- كۇنى قالاداعى ءبىر كاسساعا بارىپ، بۇكىل جانۇيامىزبەن ءتورت بيلەت ساتىپ العان ەدىك. ءساتىن سالىپ، ميلليونىنشى بيلەتتىڭ يەگەرى اتاندىق»، - دەيدى مامايەۆ.
«استانا ەكسپو-2017» ۇلتتىق كومپانياسى كوممەرتسيالاندىرۋ دەپارتامەنتىنىڭ ديرەكتورى داۋلەت ەركىنبايەۆتىڭ ايتۋىنشا، ميلليونىنشى بيلەتتىڭ يەگەرى استاناعا تەگىن كەلىپ كەتۋگە مۇمكىندىك الدى. بۇدان بولەك، وعان ۇيالى تەلەفون مەن جىلدىڭ اياعىنا دەيىن تەگىن عالامتور قىزمەتى تابىستالدى.
«نەگىزى، ميلليونىنشى بيلەت ماۋسىم ايىندا ساتىلادى دەگەن بولجام بولعان. الايدا ول بيلەت ءساۋىردىڭ 26- كۇنى ساتىلدى. قازىرگى كەزدە 1 ميلليون 53 مىڭ بيلەت ءوتتى. سونىڭ باسىم بولىگى - 100 مىڭ بيلەت وڭتۇستىك قازاقستان وبلىسىندا ساتىلدى»، - دەپ اتاپ كورسەتتى ەركىنبايەۆ.
ونىڭ سوزىنە قاراعاندا، ساتىلعان ءبىر ميلليوننان استام بيلەتتىڭ 13 پروتسەنتى شەتەلدىڭ ازاماتتارىنا تيەسىلى.
اۆتور: ارمان اسقاروۆ
