قىتايدىڭ شاڭحاي ۋنيۆەرسيتەتىندە «قازاق ءتىلى» ماماندىعى اشىلادى
شاڭحاي ۋنيۆەرسيتەتىنىڭ رەسمي سايتىندا قىتايدىڭ ءبىلىم مينيسترلىگىنىڭ جاڭا ماماندىقتار اشۋ تۋرالى جوعارى وقۋ ورىندارىنىڭ ۇسىنىستارىنا بەرگەن جاۋابى جاريالاندى.
وندا اتالمىش ۋنيۆەرسيتەت قابىرعاسىنان تاعى ءتورت شەت ءتىلى ماماندارى دايارلانا باستايتىنى ايتىلعان.
«شاڭحاي شەت تىلدەر ۋنيۆەرسيتەتىنىڭ ورىس ءتىلى فاكۋلتەتىنە «ءبىر بەلدەۋ - ءبىر جول» جوباسى اياسىندا ەكونوميكامەن تىعىز بايلانىستى مەملەكەتتىك باعدارلامالاردى دامىتۋعا قاجەتتى مامانداردى دايارلاۋ ماقساتىندا، قازاق، وزبەك، پولياك جانە چەح تىلدەرى ماماندىقتارىن قوسۋ تۋرالى شەشىم قابىلداندى»، - دەپ جازىلعان.
«قازاق ءتىلى» جانە «پولياك ءتىلى» ماماندىقتارىنا العاشقى ابيتۋريەنتتەر 2017-جىلدىڭ قىركۇيەگىنەن قابىلدانادى. شاڭحاي ۋنيۆەرسيتەتى 1949-جىلى قۇرىلعان جانە شەت تىلدەرىن وقىتاتىن قىتايداعى ەڭ ۇلكەن ج و و. بۇگىندە وندا 32 ءتۇرلى ءتىل ماماندىعى بار.
