استانادا قازاقستاندىقتاردىڭ وڭتۇستىك كورەيادان ءجيى دەپورتاتسيالانۋ ماسەلەسى قارالدى
كونسۋلتاتسيالار بارىسىندا تاراپتار ەكى ەلدىڭ ازاماتتارىنىڭ ەكى مەملەكەتتىڭ اۋماعىنا كىرىپ- شىعۋى، شەكارادان زاڭسىز وتەتىنىن ەڭبەك ميگرانتتارىنا قاتىستى جاعداي، ەكستراديتسيا، سوتتالعانداردى بەرۋ سياقتى وزگە دە وزەكتى دەگەن ماسەلەلەردى ءسوز ەتتى.
ونداعى نەگىزگى تاقىرىپتاردىڭ ءبىرى - وڭتۇستىك كورەياعا تۋريستىك، ىسكەرلىك ماسەلەلەرمەن جانە ەم الۋ ءۇشىن باراتىن قازاقستاندىقتاردىڭ ءجيى دەپورتاتسيالانۋىنا قاتىستى جاعداي بولدى.
سەۋلدەن كەلگەن جوعارى مارتەبەلى دەلەگاتسيا وكىلدەرى كورەيانىڭ كوشى-قون قىزمەتتەرى تاراپىنان ەلگە كىرۋگە تىيىم سالۋ مەن دەپورتاتسياعا ۇشىراپ، قارجىلىق جانە مورالدىق- پسيحولوگيالىق قيىندىقتارعا تاپ بولعان جانە ولاردىڭ قۇقىقتارى مەن بوستاندىقتارىنىڭ شەكتەلۋىنە شاعىمدانعان قازاقستان ازاماتتارىنا قاتىستى فاكتىلەردەن كەڭىنەن حاباردار ەتىلدى.
كورەيالىق ديپلوماتتار قالىپتاسقان جاعدايعا تۇسىنىستىكپەن قارايتىندارىن ايتىپ، جاقىن ارادا سەۋلدە اتالعان ماسەلەنى شەشۋ ءۇشىن كوشى-قون قىزمەتىنىڭ وكىلدەرىمەن ۆەدومستۆوارالىق كونسۋلتاتسيالار جۇرگىزۋگە ۋادە ەتتى.
سونىمەن قاتار، جاپپاي دەپورتاتسيالاۋ جاعدايىنىڭ جيىلەپ كەتۋى كورەياعا زاڭسىز ەڭبەكپەن اينالىسۋ ءۇشىن ۆيزاسىز رەجيممەن كەلەتىن قازاقستاندىقتاردىڭ سانىنىڭ ارتۋى سەبەپ بولىپ وتىرعاندىعى ايتىلدى. كەلىسسوزدەردىڭ ءوزارا تۇسىنىستىك جاعدايىندا وتكەندىگى ايتىلادى.
