قاراعاندىدا كورەيانىڭ مەديتسينا وكىلدەرىمەن مەموراندۋمعا قول قويىلدى
كورەيا رەسپۋبليكاسى الەمدىك دامىعان ەلدەر رەيتينگىندە مەديتسينا سالاسى بويىنشا 8 -ورىندا ەكەنى ايقىن. بەلگىلى بولعانداي، وڭتۇستىك كورەيانىڭ دەنساۋلىق ساقتاۋ سالاسىنىڭ قىزمەتى وڭ ناتيجە بەرىپ كەلەدى، مىسالى، ستاتيستيكا بويىنشا، مۇندا ءومىر ۇزاقتىعى 81,2 جاس، ياعني قازاقستانعا قاراعاندا، 9,7 پايىزعا جوعارى.
ال ونكولوگيالىق اۋرۋلاردى ەمدەۋ ادىستەرىنىڭ تيىمدىلىگى 90 پايىزدان اسىپ تۇسەدى. مۇنداي ناتيجەگە كورەيالىق مەديكتەر سوعىستان كەيىنگى جىلدارداعى جانكەشتى ەڭبەكتىڭ ارقاسىندا قول جەتكىزدى.
قازاقستان كورەيلەر قاۋىمداستىعىنىڭ ۆيتسە-پرەزيدەنتى سەرگەي وگايدىڭ ايتۋىنشا، شارانىڭ ءۇش ستراتەگيالىق ماقساتى بار: ءبىرىنشى - كادر رەسۋرسىندا تاجىريبە الماسۋ؛ ەكىنشى - مەديتسينالىق قىزمەتتەردىڭ ءتۇرلى ادىستەمەسىن وقىتۋ جانە ءۇشىنشى - مەملەكەتتىك جانە جەكە ارىپتەستىك نىسانى بويىنشا بىرلەسكەن جوبا.
قاراعاندىدا مۇنداي كونفەرەنسيا وتكىزۋ سەبەپتەرىنىڭ ءبىرى قاراعاندى وبلىسىنىڭ مەديتسينا سالاسىنداعى شەتەل ينۆەستورلارىمەن ءوزارا ءىس-ارەكەتىنىڭ تاجىريبەلىلىگى عانا ەمەس، سونىمەن بىرگە، وسى جەردە 335 مىڭنان استام دارىگەر شىققان ەجەلگى مەديتسينالىق ج و و- لاردىڭ ءبىرى بار. دوڭگەلەك ۇستەلدىڭ اياقتالۋى بويىنشا قاراعاندى وبلىسى دەنساۋلىق ساقتاۋ باسقارماسى مەن كورەيا رەسپۋبليكاسى دەنساۋلىق ساقتاۋ يندۋسترياسىن دامىتۋ ينستيتۋتى اراسىنداعى ىنتىماقتاستىق تۋرالى مەموراندۋمعا قول قويىلدى.
