قازاقستان پرەزيدەنتى قىتايعا ساپارمەن بارادى - فوتو
«ەكى جاقتى كەلىسسوزدەر تاقىرىبىنىڭ ءبىرى جوعارى دەڭگەيدەگى ساپارلارعا دايىندىق ماسەلەسى بولدى. ق ر پرەزيدەنتى نۇرسۇلتان نازاربايەۆتىڭ 14-15 -مامىرداعى بەيجىڭدە وتەتىن «ءبىر بەلدەۋ ءبىر جول» حالىقارالىق فورۋمىنا قاتىسۋى جانە ق ح ر ءتوراعاسى شي جينپيڭنىڭ 7-9 -ماۋسىمدا ش ى ۇ سامميتىنە قاتىسۋ ءۇشىن استاناعا ساپارى دايىندىعىنا قاتىستى ماسەلەلەر تالقىلاندى»، - دەدى قىتايلىق ارىپتەسىمەن كەزدەسۋدەن كەيىنگى بريفينگتە قايرات ءابدىراحمانوۆ.
ايتا كەتەيىك، بۇعان دەيىن حابارلاعانىمىزداي، استانادا وتكەن قازاقستان- قىتاي ىنتىماقتاستىعى جونىندەگى كوميتەتتىڭ 8-وتىرىسى بارىسىندا ق ح ر مەملەكەتتىك كەڭەسى پرەمەرىنىڭ ورىنباسارى جاڭ گاولي شي جينپيڭنىڭ قازاقستان ەلورداسىنا ساپارمەن كەلەتىندىگىن ءمالىم ەتكەن بولاتىن.
«تاياۋ ەكى ايدىڭ ىشىندە ءبىزدىڭ مەملەكەت باسشىلارىمىزدىڭ كەزدەسۋى وتەدى دەپ كوزدەلگەن. سىزدەردىڭ پرەزيدەنتتەرىڭىز مامىر ايىنىڭ ورتاسىنا قاراي قىتايعا كەلەدى، وندا ول «ءبىر بەلدەۋ - ءبىر جول» اتتى حالىقارالىق فورۋمنىڭ جۇمىسىنا قاتىسادى. ءتوراعا شي جينپيڭ ماۋسىم ايىنىڭ باسىندا استاناعا ساپارلاپ، ش ى ۇ سامميتىنە جانە ەكسپوعا قاتىسادى. سوندىقتان ولاردىڭ اراسىندا وتە ماڭىزدى كەزدەسۋلەر وتەدى»، - دەدى جاڭ گاولي.
اۆتور: مارلان جيەمباي
