ەسىنەۋ - شايتاننان
ياعني، ەسىنەۋ شايتاننىڭ ۇناتاتىن قىلىعى بولعاندىقتان وسىلاي ايتىلسا كەرەك. بۇل جەردە مۇلدە ەسىنەمەۋ كەرەك دەگەن دە تۇسىنىك قالىپتاسپاۋى كەرەك.
ادام نە ءۇشىن ەسىنەيدى؟ ادام ۇيقىسى قانباعان جاعدايدا، قاتتى شارشاعان كەزدە ەسىنەي باستايدى. ءتىپتى، ۆەنا ۋنيۆەرسيتەتىنىڭ عالىمدارى ادامنىڭ ەسىنەۋ جيىلىگى جىل ماۋسىمىنا، ياعني اۋا تەمپەراتۋراسىنا بايلانىستى ەكەنىن بولجاعان. ولاردىڭ تۇجىرىمداۋىنشا ادام ىستىق اۋا تەمپەراتۋراسىندا ءجيى ەسىنەيدى ەكەن. ەسىنەگەندە ادامنىڭ ميى سالقىندايدى دەگەندى ايتادى.
جالپى العاندا ەسىنەۋدىڭ ادامعا تيگىزەر پايداسى شامالى.
جوعارىداعى حاديسكە قاراعاندا ايتارلىقتاي زيانى بولۋى دا مۇمكىن. بۇل دا مۇلدەم ەسىنەمەۋ كەرەك دەگەندى بىلدىرمەيدى. ادامدا بۇل قۇبىلىس ەرىكسىز جۇزەگە اسادى. ەگەر دە ەسىنەۋدى قايتارا السا، قايتارسىن. بولماسا ەسىنەگەن كەزدە قولدىڭ سىرتىمەن اۋىزدى جابۋ كەرەك.
پايعامبارىمىز (س. ع. س. ): «كىمدە-كىم ەسىنەسە قولىمەن اۋزىن جاپسىن، ويتكەنى زياندى نارسەلەر اۋزىنا كىرەدى» [1]، - دەپ بۇيىرعان.
دەمەك، بۇلاردان شىعاتىن قورىتىندى - داۋىستى شىعارماي، اۋىزدى قولمەن جاۋىپ ەسىنەگەن ابزال ەكەندىگىن بايقايمىز.
[1] ءابۋ ءداۋىد، ءمۇسليم، ءمۇسناد
