قازاقستاندا يمامدار ەكسترەميزمگە قارسى دايىندىققا قاتىسىپ ءجۇر

استانا. قازاقپارات - ول ءۇشىن ارنايى ينستيتۋت اشىلدى. وسى ۋاقىتقا دەيىن ونداعان يمام مەن تەولوگ ماماندار قايتا دايارلاۋ كۋرستارىنان ءوتتى، دەپ حابارلايدى قازاقپارات ءتىلشىسى.

 

ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆتىڭ ايتۋىنشا، بۇگىندە قازاقستان مۇسىلماندارى ءدىني باسقارماسىمەن بىرلەسە وتىرىپ، ەكسترەميزمنىڭ الدىن الۋعا ارنالعان يمامداردى قايتا دايارلاۋ ينستيتۋتى قۇرىلدى.

«2016-جىلدىڭ قازان ايىنان باستاپ ول ءبىزدىڭ ادىستەمەلىك قولداۋىمىزدىڭ نەگىزىندە نۇر-مۇباراك ۋنيۆەرسيتەتىندە جۇمىس جاساۋدا. وسى ۋاقىتقا دەيىن ينستيتۋتتا 40 يمام مەن تەولوگ ماماندار قايتا دايارلاۋدان ءوتتى. جالپى، ونداي شارالار ءدىني سالاداعى جاعدايدى ساۋىقتىرۋعا ايتارلىقتاي ىقپال ەتۋدە»، - دەدى ەرمەكبايەۆ مينيسترلىكتىڭ بۇگىنگى القا ماجىلىسىندە.

ءمينيستردىڭ سوزىنە قاراعاندا، بۇگىندە رەسپۋبليكا بويىنشا 306 ارنايى تەولوگيالىق جانە اقپاراتتىق توپتار جۇمىس ىستەۋدە. ولاردىڭ ىشىندە 3,5 مىڭنان استام ءدىنتانۋشىلار مەن ءدىني ۇيىمداردىڭ وكىلدەرى بار. ايتا كەتەيىك، ءماجىلىس كەزىندە مينيستر مەملەكەت پەن ءدىن اراسىنداعى بايلانىستىڭ جاڭا مودەلىن قالىپتاستىرۋ شارالارىنىڭ قولعا الىنعانىن جەتكىزدى.

اتالعان مودەل ءدىن سالاسىنداعى مەملەكەتتىك ساياساتىنىڭ 2017-2020-جىلدارعا ارنالعان تۇجىرىمداماسىنا نەگىزدەلەدى.

بۇدان بولەك، ءدىني قىزمەت جانە ءدىني بىرلەستىكتەرگە ارنالعان زاڭناماعا وزگەرىستەر ەنگىزىپ، بالالاردى زاڭسىز ءدىني قىزمەتكە تارقانى ءۇشىن جازانى كۇشەيتۋ كوزدەلگەن.