قازاقستاننىڭ قوي ەتى قىتاي نارىعىنا شىعۋى مۇمكىن
وندا قازاقستاننىڭ ۆەتەرينارلىق جۇيەسىن باعالاۋ، قىتايعا شىعارىلۋى مۇمكىن قوي ەتى ونىمدەرىنە قويىلعان ۆەتەرينارلىق-سانيتارلىق تالاپتار جايى ءسوز بولدى، دەپ حابارلايدى قازاقپارات.
اۋىل شارۋاشىلىعى مينيسترلىگىنىڭ باسپا ءسوز قىزمەتىنەن حابارلانعانىنداي، ءساۋىردىڭ 19-27 ارالىعىندا، قىتاي دەلەگاتسياسى «اتامەكەن» ۇلتتىق كاسىپكەرلىك پالاتاسى مەن ساراپشىلار قاۋىمداستىعى ۇسىنعان قوي ەتىن وندىرەتىن ءبىرقاتار كاسىپورىنداردى ارالاپ، ولارعا تەكسەرۋ جۇرگىزەدى.
بۇل رەتتە قىتاي ماماندارى تارتىلعان ارنايى ينسپەكتسيا قازاقستاندىق ارىپتەستەرىمەن بىرلەسىپ ەلىمىزدىڭ 5 وڭىرىندەگى ءىرى ەت ءوندىرۋشى كاسىپورىنداردىڭ جۇمىسىمەن تانىسۋدى جوسپارلاپ وتىر.
«ايتا كەتەرلىگى قازىرگى تاڭدا قىتايدىڭ سەرتيفيكاتتاۋ مەن تىركەۋ جونىندەگى باس باسقارماسىنا الەم بويىنشا 100 دەن اسا مەملەكەت 10 مىڭعا تارتا ۇسىنىس تاستاعان. ولار قىتايدان وڭ قورىتىندى الۋ كەزەگىن كۇتۋدە.
الايدا، ق ر پرەمەر-ءمينيسترىنىڭ ورىنباسارى - اۋىل شارۋاشىلىعى مينيسترى اسقار مىرزاحمەتوۆتىڭ اعىمداعى جىلعى ءساۋىر ايىنىڭ باسىندا قىتاي حالىق رەسپۋبليكاسىنا ءىس-ساپارى اياسىندا جاسالعان كەلىسسوزدەردىڭ ارقاسىندا، قازاقستاننان تۇسكەن ۇسىنىستارعا ايرىقشا ءمان بەرىلىپ، مەرزىمى جەدەلدەتىلدى»، - دەلىنگەن باسپا ءسوز بايانىندا.
تەكسەرۋ ناتيجەسىنىڭ قورىتىندىسى بويىنشا، قازاقستاندىق قوي ەتىن قىتاي نارىعىنا شىعارۋعا رۇقسات بەرۋ ماسەلەسى قارالادى.
اۆتور: قانات مامەتقازى ۇلى
