وزبەكستان قازاقستاننىڭ اۋىل شارۋاشىلىعى ونىمدەرىنە قوسىمشا سالىقتى تومەندەتتى
قابىلدانعان شارالار وزبەكستان رەسپۋبليكاسى پرەزيدەنتىنىڭ اعىمداعى جىلدىڭ ناۋرىز ايىنداعى قازاقستانعا رەسمي ساپارىنىڭ جەمىسى بولىپ تابىلادى، دەپ حابارلايدى قازاقپارات.
وسى ارقىلى اۋىل شارۋاشىلىعى ونىمدەرىن وندىرەتىن قازاقستاندىقتار ءۇشىن وزبەكستان نارىعىنا شىعۋعا قولايلى جاعداي جاسالدى.
اتاپ ايتقاندا، ماكارون ونىمدەرىنە اكسيزدىك سالىق جويىلدى (بۇرىن 30 جانە %50 بولاتىن). سونىمەن قاتار، وزبەكستانعا تاسىمالداناتىن ءبىرقاتار اۋىلشارۋاشىلىق ونىمدەرىنە اكسيزدىك سالىق تومەندەدى.
اتاپ ايتقاندا، سالىق %55 ءبيداي ۇنىنا (11 دەن %5 عا دەيىن)، ماقسارى مەن كۇنباعىس مايىنا 2 ەسە؛ (20 دان %10 عا دەيىن)، سىركە سۋى قوسىلماعان كونسەرۆىلەنگەن كوكونىستەرگە 5 ەسە (50-دەن %10 عا دەيىن)، جەمىس جانە كوكونىس شىرىندارىنا 2,3 ەسە (70 تەن %30 عا دەيىن)، دايىن تۇزدىق پەن تۇزدىق دايىنداۋعا 2,8 ەسە ( 70 تەن %25 كە دەيىن، قىزاناق كەتچۋبى مەن مايونەزدەن باسقا) تومەندەگەن.
«2016-جىلى قازاقستاننان وزبەكستانعا ەكسپورتتالعان اۋىل شارۋاشىلىعى ونىمدەرىنىڭ سوماسى 426,9 ميلليون دوللاردى قۇرادى. سونىمەن قاتار، وتكەن جىلى قازاقستان وزبەكستانعا 1725,2 مىڭ توننا ءبيداي، 4,7 ميلليون توننا ۇن، 96 مىڭ توننا كۇنباعىس تۇقىمىن، 10,2 مىڭ توننا وسىمدىك مايىن جانە 51 مىڭ توننا كارتوپتى ەكسپورتقا شىعارعان ەدى»، - دەلىنگەن اۋىل شارۋاشىلىعى مينيسترلىگى تاراتقان باسپا ءسوز بايانىندا.
اۆتور: قانات مامەتقازى ۇلى
