قاسىم-جومارت توقايەۆ: ناعىز يسلامشىلدىق قارا كيىم، كەلتە شالبار، ۇزىن ساقال ەمەس
«ناعىز يسلامشىلدىق بۇل قارا كيىم، كەلتە شالبار، ۇزىن ساقال ەمەس، بۇل يماندىلىق، بىلىمدىلىك، ەڭبەكقورلىق، كەڭشىلىك. ەلباسىمىز وتە دۇرىس ايتتى»، - دەپ جازادى سەنات ءتوراعاسى.
ەسكە سالا كەتەيىك، كەشە ق ر پرەزيدەنتى نۇرسۇلتان نازاربايەۆ قازاقستان مۇسىلماندارى ءدىني باسقارماسىنىڭ وكىلدەرىمەن كەزدەسكەن بولاتىن.
وندا ەلباسى قازاقستان حالقىنىڭ ومىرىندە ءدىننىڭ ەرەكشە ءرول اتقاراتىنىن اتاپ ءوتىپ، جاس ۇرپاقتىڭ ءدىني ساۋاتسىزدىعىنا ايرىقشا نازار اۋداردى.
«ءدىني ساۋاتسىزدىعىنىڭ ناتيجەسىندە جاستارىمىز ساقال قويىپ، شالبارىنىڭ بالاقتارىن قىسقارتىپ تاستايدى. قارا كويلەك كيىپ، بەتى-اۋزىن تۇمشالاعان قىزدارىمىزدىڭ قاتارى كوبەيدى. بۇل ءبىزدىڭ داستۇرىمىزگە دە، حالقىمىزعا دا جات. بۇعان زاڭنامالىق دەڭگەيدە تىيىم سالۋ ماسەلەسىن پىسىقتاۋ كەرەك. قازاق قارا كيىمدى قارالى كەزدە عانا كيەدى»، - دەدى مەملەكەت باسشىسى.
نۇرسۇلتان نازاربايەۆ قازاق مادەنيەتىنىڭ تاريحىنا، قازاق ايەلدەرىنىڭ ءداستۇرلى كيىمىنە توقتالىپ، قارا كيىم مەن ءدىن اراسىندا ەشقانداي بايلانىس جوق ەكەنىن ايتتى.
