قانات يسلام: الەم چەمپيونى اتاناتىن ۋاقىت جەتتى
«كاسىبي بوكستا جۇرگەنىمە بەس جىل بولدى، بۇل از ۋاقىت ەمەس. وسى ۋاقىت ارالىعىندا 23 ايقاستا جەڭگەن ەكەنمىن، ونىڭ 19 ىن نوكاۋتپەن اياقتادىم. قازىر ۇيىمداردىڭ رەيتينگتەرىندە جوعارى ورىندا تۇرمىن جانە الەم چەمپيونى اتاناتىن ۋاقىت جەتتى دەپ ويلايمىن. مەن توقتاپ تۇرا المايمىن جانە بەلبەۋلەردى جەڭىپ الۋىم كەرەك»، - دەدى ق. يسلام.
قاناتتىڭ ايتۋىنشا، ول قازاقستاننان ا ق ش- قا بىرنەشە كۇن بۇرىن ۇشىپ كەلگەن. «مەنىڭ دەمالىسىم اياقتالدى. قازىر فلوريدادا پروموۋتەرىم نەلسون لوپەستىڭ جاتتىعۋ بازاسىندا جۇمىس ىستەپ جاتىرمىن. قازىر جاتتىعۋلارعا كىرىسىپ كەتتىم، مامىر ايىنىڭ سوڭىندا ءوزىمنىڭ 24- جەكپە- جەگىمدى وتكىزەمىن. قارسىلاسىمنىڭ ەسىمى وسى اپتادا بەلگىلى بولاتىنىنا ۇمىتتەنەمىن. بيىلعى جىل مەن ءۇشىن ماڭىزدى، سەبەبى 9- قىركۇيەك كۇنى قازاقستاندا تاماشا بوكس كەشىن وتكىزەمىن. مەنىڭ باستى ماقساتىم - الەم چەمپيونى اتانۋ، سوندىقتان مامىر ايىنداعى بوكستان كەيىن وسى ايقاسقا دايىندالامىن. كەلىسسوزدەر جاقىندا باستالادى جانە مەن بۇل جەكپە-جەك ارقىلى الەم جۇرتشىلىعىنىڭ نازارى استاناعا اۋادى دەپ ۇمىتتەنەمىن. بۇل شوۋعا 15 مىڭ كورەرمەن جينالاتىنى بولجانىپ وتىر»، - دەدى ق. يسلام.
