جانار ايجانوۆا بالانىڭ تۇساۋىن كەسكەن ادامنىڭ مىندەتىن ءتۇسىندىردى - فوتو
اسحات تارعىنوۆتىڭ ۇيلەنۋ كەشى دۇركىرەپ وتكەن «ءساتتى» مەيرامحاناسىندا 200 ادامدى قوناق ەتتى.
وندا قازاق شوۋ بيزنەسىنىڭ «قايماقتارىنىڭ» بارلىعى ءجۇر، - دەپ جازدى توي قوناعى بولىپ قايتقان Stan.kz ءتىلشىسى.
كوپتەن كورىنبەي كەتكەن توقتار مەن بەيبىت، ءمولدىر اۋەلبەكوۆا، جانار ايجانوۆا دا كەلىپتى. مۋزارت توبى، مەلومەن توبى، جىگىتتەر توبىنداعى بارلىق جىگىتتەرى تايلى تۇياعىمەن كەلگەن.
پروديۋسەرلەر دە ءقازىر تويدان قالىس قالمايتىن بولعان. گۇلزيرا ايداربەكوۆا، تورەعاليدىڭ اكەسى ءارى پروديۋسەرى - تورەالى مىرزا، باۋىرجان ەسەبايەۆ، ەرعالي ءابدىرايىموۆ كەلگەن. كەشە عانا تاماعىنا وتا جاساتقان مىرزاحاندا اننەن شاشۋ شاشىپ، كوپتىڭ قوشەمەتىنە يە بولدى.
ال، ەكى بۇيرەگىنە وتا جاساتۋعا شەتەلگە كەتكەن جىگەر اۋىپبايەۆ تا ءان ايتىپ ءماز.
اسىلبەك بورانبايەۆ باستاعان ازىلكەشتەر دە تويعا كەلىپتى.
جانەركە جاسۇلان قىزىنىڭ تۇساۋىن جانار ايجانوۆا كەستى. قازاقتىڭ سالت- داستۇرىنە توقتالعان ءانشى تۇساۋ كەسۋ راسىمىندەگى جورالعىنى تىزبەكتەپ بەردى.
«نەگىزى تۇساۋدى ايەل كىسى كەسۋ كەرەك دەپ جاتادى ۇلكەندەر. مىناداي الا ءجىپ پەن پىشاقتى ءوزىم دايىنداپ اكەلدىم. تۇساۋ كەسەتىن ادام دايىندايدى دەگەن ىرىم بار. ەشكىمنىڭ الا ءجىبىن اتتاماسىن دەگەن نيەتتە كەسەدى. كەيبىرى قايشىمەن قيادى. ءبىراق ول دۇرىس ەمەس. نەگىزى پىشاقپەن كەسۋ كەرەك ەكەن» دەپ ءسوزىن تۇيىندەدى.
جانار ايجانوۆا كىشكەنتاي جانەركەنىڭ قۇلاعىنا سىرعا سالىپ، اتا- اجەسىنە قوماقتى قارجىعا تولى كونۆەرت ۇسىندى. ءوز كەزەگىندە توي يەلەرى انشىگە التىن ساقينا تاقتى.
كەشە عانا ۇيلەنۋ تويىن وتكىزگەن اسحات تارعىنوۆ تا ەكىنشى داستارحاندا توبە كورسەتتى.
«مەنىڭ تويىما جاسۇلان كەلمەگەن، ءبىراق مەن كەلدىم. ساناسپايمىز عوي. ول ءوزى ءتۇسىندىردى. باسقا شارۋالارى شىعىپ قالىپتى» ، - دەيدى تارعىنوۆ.
تويدا ءار ءانشى ەكى اننەن شاشۋ شاشسا، قىزىنىڭ مەرەكەسىنە اكەسى ەكى جىل دايىندالىپتى.
«مەن قىزىم تۋىلماي تۇرىپ جوسپارلادىم. ارمانىم بولدى. قىز بولسا، جانار اپايىمىزعا تۇساۋىن كەسۋىنە قولقا سالعانبىز. سول ارمانىمىز ورىندالدى. قوبالجىپ تۇرمىن. توي جاساۋ وتە قيىن ەكەن» ، - دەيدى جاسۇلان.
