ايمان مۇساقوجايەۆا باستاعان قازاق ارتىستەرى بەيجىڭ جۇرتشىلىعىن ءتانتى ەتتى - فوتو
مادەني شارانى قىتاي مادەنيەت مينيسترلىگىنىڭ قولداۋىمەن قازاقستاننىڭ ق ح ر- داعى ەلشىلىگى ۇيىمداستىردى.
بەيجىڭ كونسەرت زالىنا قازاق ارتىستەرىنىڭ ونەرىن تاماشالاۋ ءۇشىن حالىقارالىق ۇيىمداردىڭ، ق ح ر- دا اككرەديتتەلگەن ديپلوماتيالىق وكىلدىكتەردىڭ، قىتايدىڭ ءىرى كورپوراتسيالارىنىڭ باسشىلارى، شەتەلدىك جانە قازاقستاندىق ديپلوماتتار، ولاردىڭ وتباسى مۇشەلەرى، ستۋدەنتتەر، قازاق دياسپوراسىنىڭ وكىلدەرى، قىتايدىڭ عىلىم جانە شىعارماشىلىق زيالىلارى جينالدى.
مەرەكەلىك كەش قازاقستاننىڭ ق ح ر- داعى توتەنشە جانە وكىلەتتى ەلشىسى شاحرات نۇرىشيەۆتىڭ، ق ح ر مادەنيەت مينيسترلىگى حالىقارالىق ىنتىماقتاستىق دەپارتامەنتىنىڭ ديرەكتورى سە جينيڭنىڭ قۇتتىقتاۋ سوزىمەن اشىلدى.
كەش باستان-اياق ديريجەر تاو فاننىڭ جەتەكشىلىك ەتۋىندەگى قىتاي ۇلتتىق راديو جانە تەلەۆيدەنيە سيفونيالىق وركەسترىنىڭ انشىلەرى مەن سكريپكاشىلارىنىڭ مۋزىكالىق دەمەۋىمەن ءوتتى.
كوپتەگەن حالىقارالىق كونكۋرستاردىڭ لاۋرەاتى، باريتون ازات مالىك، تانىمال قازاقستاندىق وپەرا ءانشىسى مايرا مۇحامەد قىزىنىڭ سالعان اندەرى تىڭدارمانداردىڭ كوڭىلىنەن شىقتى.
ال Singer-2017 بايقاۋىنىڭ اقتىق سىنىنا دەيىن جەتكەن ديماش قۇدايبەرگەننىڭ ساحناعا شىعۋى زالداعى بارلىق كورەرمەندى شاتتىققا بولەدى. ول «Adagio» جانە «وسەننيايا پەچال» اندەرىن ورىندادى.
قازاقستاننىڭ حالىق ءارتىسى قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجايەۆانىڭ «ايگولەك» سكريپكاشىلار انسامبلىمەن بىرگە پ. چايكوۆسكيدىڭ، ف. كرەيسلەردىڭ جانە پاۆلو ساراساتەنىڭ تۋىندىلارىن ورىنداۋى كەش قوناقتارىنىڭ زور تاڭدانىسىن تۋدىردى.
كونسەرت اياقتالعاننان كەيىن قازاقستاننىڭ ق ح ر- داعى ەلشىسى ش. نۇرىشيەۆ ارتىستەرگە ريزاشىلىعىن بىلدىرسە، كورەرمەندەر ۇزاق ۋاقىت قوشەمەت كورسەتىپ، مۋزىكانتتارعا گۇل شوقتارىن سىيعا ۇسىندى.
«ءبىزدىڭ بۇل كونسەرتىمىز ەكى مەملەكەت باسشىلارىنىڭ - قازاقستان پرەزيدەنتى نۇرسۇلتان نازاربايەۆتىڭ «نۇرلى جول» جاڭا ەكونوميكالىق ساياساتى مەن ق ح ر ءتوراعاسى شي جينپيڭنىڭ «جىبەك جولى ەكونوميكالىق بەلدەۋى» باستاماسىن ۇشتاستىرۋ دەسەك بولادى. بۇل كەش قازاقستان مەن قىتاي حالىقارالىق اراسىنداعى دوستىقتى پاش ەتەدى»، - دەدى قازاقپارات تىلشىسىنە سۇحبات بەرگەن ا. مۇساقوجايەۆا.
اۆتور: مارلان جيەمباي
