قوستانايدا قىتايلىق اۆتوبۋستار شىعارىلا باستادى

استانا. قازاقپارات - استانادا ق ر پرەمەر-ءمينيسترىنىڭ ءبىرىنشى ورىنباسارى اسقار مامين مەن ق ح ر مەملەكەتتىك كەڭەسى پرەمەرىنىڭ ورىنباسارى چجان گاوليدىڭ توراعالىعىمەن وتكەن ىنتىماقتاستىق جونىندەگى قازاقستان-قىتاي كوميتەتىنىڭ 8-وتىرىسى بارىسىندا «قوستاني- استانا» تەلەكوپىرى بولدى، دەپ حابارلايدى قازاقپارات.

«قوستاناي-استانا» تەلەكوپىرى ارقىلى «سارى ارقا اۆتو پروم» ج ش س- ءنىڭ وندىرىستىك الاڭىندا ANKAI اتتى اۆتوبۋستاردىڭ بىرلەسكەن زاۋىتى ىسكە قوسىلدى. «ساۋدا-ەكونوميكالىق ىنتىماقتاستىققا ۇلكەن ءمان بەرە وتىرىپ، بىزگە ەكىجاقتى تاۋار اينالىم كولەمىنىڭ ارتۋىنا، سونىمەن قاتار «نۇرلى جول» جاڭا ەكونوميكالىق ساياساتى مەن جىبەك جولىنىڭ ەكونوميكالىق بەلدەۋى باعدارلاماسىن ۇندەستىرۋ جوسپارىن بەلسەندى جۇزەگە اسىرۋعا كوپ كوڭىل بولگەن ءجون»، - دەدى ا. مامين.

جيىن سوڭىندا ىنتىماقتاستىق جونىندەگى قازاقستان-قىتاي كوميتەتىنىڭ 8-وتىرىسىنىڭ حاتتاماسىنا قول قويىلدى.

اۆتور: جاسۇلان جولدىبايەۆ