حۋنان تەلەارناسىنىڭ باس ديرەكتورى: ءبىز ديماشتىڭ تالانتىنا ءتانتى بولدىق
ۆيتسە- مينيستر اقتوتى رايىمقۇلوۆامەن اڭگىمەلەسۋ بارىسىندا ليۋي حۋانبين قازاقستاندىق ونەردىڭ الەۋەتىنە وتە جوعارى باعا بەردى. «ءبىزدىڭ بايقاۋدا ديماش قۇدايبەرگەنوۆتىڭ ءساتتى ونەر كورسەتۋى قازاقستاندىق انشىلىك ونەردىڭ جوعارى دەڭگەيىن كورسەتەدى. ءبىز ونىڭ دارىنىنا ءتانتى بولدىق»، - دەدى ول.
ديماشتى قولداۋ ءۇشىن كەلگەن قازاقستاندىق دەلەگاتسيا قۇرامىندا قازاق ۇلتتىق ونەر اكادەمياسىنىڭ رەكتورى ايمان مۇساقوجايەۆا، "استانا وپەرا" تەاترىنىڭ ديرەكتورى عالىم احمەدياروۆ، اسحات ماەميروۆ، ديماشتىڭ اتا- اناسى - قانات پەن سۆەتلانا ايبايەۆتار بار. دەلەگاتسياعا قىتايداعى ق ر ەلشىسى شاحرات نۇرىشەۆ تە قوسىلدى.
ەسكە سالساق، كەشە قازاقستاندىق ءانشى ديماش قۇدايبەرگەنوۆ «Singer 2017» بايقاۋىنىڭ فينالىندا ەكىنشى ورىن الدى. فينالدا ديماش پەن قىتايلىق ءانشى شان ۆەنجە مايكل دجەكسوننىڭ The Way You Make Me Feel, Erth song, Billie Jean جانە Dangerous اندەرىن ورىندادى.
