بەيجىڭدە ق ر مەن ق ح ر تەمىرجول اكىمشىلىكتەرى قازاقستان اۋماعىمەن قىتاي-ەۋروپا ترانزيتتىك جۇك اعىنىن وسىرۋگە ۋاعدالاستى
تاراپتار ق ر مەن ق ح ر تەمىرجول اكىمشىلىكتەرى اراسىنداعى «نۇرلى جول» باعدارلاماسى مەن «جىبەك جولى ەكونوميكالىق بەلدەۋى» باستاماشىلىعىنىڭ دامۋ بولاشاعىن تالقىلادى، دەپ حابارلايدى «قازاقستان تەمىر جولى» ۇ ك» ا ق باسپا ءسوز قىزمەتى.
قىتايدان ەۋروپاعا حالىقارالىق جۇك تاسىمالداۋدى دامىتۋدىڭ بەس جىلدىق جوسپارى تۇزىلگەن.
قازاقستان ترانس قۇرلىقتىق ترانزيتتىك تاسىمالداۋدى دامىتۋعا بەلسەندى قاتىسۋشى بولىپ تابىلادى. 2015-2016-جىل قورىتىندىسىندا قىتايدان ەۋروپاعا حالىقارالىق كونتەينەرلىك تاسىمالداۋدىڭ بىرنەشە ەسەگە ارتقاندىعى بايقالدى.
2016-جىلى 104,5 مىڭ ج ف ە جەتتى. 2020-جىلدارى قىتاي-ەۋروپا ترانزيتتىك كونتەينەرلىك تاسىمال كولەمىن 800 مىڭ ج ف ە جەتكىزۋ كوزدەلىپ وتىر. كەزدەسۋ بارىسىندا قازاقستان مەن قىتاي اراسىنداعى تەمىرجول كولىگىن پايدالانۋدىڭ 2016-جىل مەن بيىلعى جىلعى ءبىرىنشى توقساننىڭ قورىتىندىسى قارالدى.
وتكەن جىلى ق ر مەن ق ح ر اراسىنداعى جۇك تاسىمالى 16,6 پايىزعا ءوسىپ، الدىڭعى جىلمەن سالىستىرعاندا 8 ميلليون تونناعا ارتىق بولسا، بيىلعى جىلى بۇل مولشەردى 10 ميلليون تونناعا جەتكىزۋ جوسپارلانىپ وتىر.
ق. الپىسبايەۆ كونتەينەرلىك جۇك اعىنىن الاشاڭقاي-دوستىق مەملەكەتارالىق شەكارالىق وتكەلدەن قورعاس- التىنكول ارقىلى «قورعاس-شىعىس قاقپاسى» ا ە ا قۇرعاق پورتىندا وڭدەۋگە باعىتتاۋ شاراسى تۋرالى حابارلادى.
كەلىسسوزدەر ناتيجەسىندە قىتاي-ەۋروپا باعدارىندا كونتەينەرلىك پويىزدى ۇيىمداستىرۋ، سونىمەن قاتار 2017-جىلى مامىردان باستاپ «استانا - التىنكول» باعدارىمەن «تۇلپار-تالگو» ج ش س ۆاگوندارىنان جاساقتالعان جۇردەك جولاۋشىلار پويىزىن ەكسپو-2017 حالىقارالىق كورمە اياسىندا ۇيىمداستىرۋ بويىنشا كەلىسىمگە قول قويىلدى.
