رەسەيلىك ساراپشىلار قازاقستاننىڭ لاتىن الىپبيىنە كوشۋىنە قاتىستى پىكىر ءبىلدىردى

استانا. قازاقپارات - رەسەيلىك ساراپشىلار قازاق الىپبيىنەن لاتىن الىپبيىنە كوشۋ ماسەلەسىنە قاتىستى پىكىر ءبىلدىردى.

رەسەيدەگى وڭىرلىك ينستيتۋت پەن ەۋرازەو ينستيتۋتى ديرەكتورلارىنىڭ پىكىرى رەسەي فەدەراتسياسىنداعى قازاقستان رەسپۋبليكاسى ەلشىلىگىنىڭ سايتىندا جاريالاندى. وڭىرلىك پروبلەمالار ينستيتۋتىنىڭ ديرەكتورى دميتري جۋراۆليەۆتىڭ ايتۋىنشا، لاتىن الىپبيىنە كوشۋ ارقىلى ءبىز تۇركى تىلدەس ەلدەرمەن مادەني قارىم- قاتىناستى ورناتا الامىز، سەبەبى ولاردىڭ كوبىندە لاتىن ءالىپبيى قولدانىلادى.

«ءتىل جاقىنداستىعى مەن بىرلىك بولسا، ءماتىن قارىپتەرى ءتىپتى وقىماعان ادامدارعا دا تۇسىنىكتى بولدى، ياعني تەك وقىپ جانە جازا الاتىن ادامدارعا تۇسىنىكتى بولادى. ءبىزدىڭ الەمدى بايلانىستىراتىن تەك ورتاق دۇنيەلەردەن باسقا ءتۇرلى ەرەكشەلىكتەرىمىز بار. وسىلايشا، ءوزىمىزدىڭ مادەنيەتىمىزدى دامىتا وتىرىپ، سول ەرەكشەلىكتەرىمىزدى ءوزارا قولدانۋ كەرەك»، - دەدى دميتري جۋراۆليەۆ.

ال ەۋرازەو ينستيتۋىنىڭ ديرەكتورى ۆلاديمير لەپەحيننىڭ ايتۋىنشا، ول لاتىن الىپبيىنە كوشۋ ماسەلەسىندە «ەۋرازيالىق كوزقاراستى» ۇستانادى. «بۇل جەردە تۇرىكتەردىڭ ادەت- عۇرپىن قولدانۋ ءجون بولار ەدى. مۇنداي قادام ادامنىڭ وزىندىك مۇددەسىنە دەگەن سانا- سەزىمدى ارتتىرادى»، - دەپ كەلتىرەدى ساراپشىنىڭ ءسوزىن ەلشىلىكتەگىلەر.

ەسكە سالا كەتەيىك، وسىعان دەيىن قازاقستان پرەزيدەنتى «بولاشاققا باعدار: رۋحاني جاڭعىرۋ» اتتى ماقالاسىندا جىل سوڭىنا دەيىن لاتىن الىپبيىنە كوشۋ جوباسىن دايارلاۋدى ۇسىنعان بولاتىن. «مەكتەپ قابىرعاسىندا بالالارىمىز اعىلشىن ءتىلىن وقىپ، لاتىن ارىپتەرىن ونسىز دا ۇيرەنىپ جاتىر. سوندىقتان، جاس بۋىن ءۇشىن ەشقانداي قيىندىق، كەدەرگىلەر بولماق ەمەس»، - دەگەن ەدى مەملەكەت باسشىسى.