ەكى قازاق كينوسى سپورتتىق كينوفەستيۆالدىڭ كونكۋرستىق باعدارلاماسىنا ۇسىنىلدى
ش. ايمانوۆ اتىنداعى «قازاق فيلم» ا ق- نىڭ باسپا ءسوز قىزمەتىنىڭ حابارلاۋىنشا، رەجيسسەر اسقار ۇزابايەۆتىڭ «جول» سپورتتىق دراماسى قازاقستانداعى ەڭ ايگىلى سپورت ءتۇرى - بوكس تۋرالى باياندايدى.
كارتينا ەرەجەسىز جەكپە- جەككە قاتىساتىن جاس جىگىت تۋرالى. رەجيسسەر توقتار قارساقبايەۆتىڭ «ۆوليا ك پوبەدە» اتتى دەرەكتى فيلمى كلاسسيكالىق ادىسپەن كۇرەسەتىن، ك س ر و- نىڭ ەڭبەك سىڭىرگەن سپورت شەبەرى، قازاق ك س ر- نىڭ ەڭبەك سىڭىرگەن جاتتىقتىرۋشىسى، قازاق ك س ر- نىڭ ءبىرىنشى وليمپيادا چەمپيونى - جاقسىلىق ۇشكەمپىروۆ تۋرالى.
فيلمدە سوۆەت سپورتىنىڭ حرونيكاسى قولدانىلعان. 2003- جىلى قۇرىلعان «كراسنوگورسكي» حالىقارالىق فەستيۆال - شىعىس ەۋروپاداعى جانە ت م د ەلدەرىندەگى ءىرى سپورتتىق كينوبايقاۋ. كينوفەستيۆال پرەزيدەنتى - الەمنىڭ ءۇش دۇركىن وليمپيادا چەمپيونى، الەمنىڭ ون دۇركىن چەمپيونى، ون ءبىر رەت ەۋروپا چەمپيونى - يرينا رودنينا.
فەستيۆال ماقساتى - سپورتتىق كينوتۋىندىلاردى تەگىن كورسەتۋ اپتالارىن ۇيىمداستىرۋ ارقىلى، كينەماتوگرافيا مادەنيەتىنىڭ قۇندىلىقتارىنا بارلىق الەۋمەتتىك توپتاردىڭ كەڭىنەن قول جەتكىزۋىن قامتاماسىز ەتۋ؛ سوڭعى ءۇش جىلدا شىعارىلعان ۇزدىك سپورتتىق وتاندىق جانە شەتەلدىك فيلمدەردى انىكتاۋ جانە ولاردى ماراپاتتاۋ؛ سونداي-اق كينو مەترلارى مەن جاس اۆتورلار ءۇشىن تولىققاندى تاجىريبە الماسۋ مۇمكىندىگىن قۇرۋ.
بيىلعى جىلى فەستيۆال باعدارلاماسىنا رەكوردتىق وتىنىمدەر - 100 گە جۋىق سپورت تۋرالى كينوتۋىندىلار ءتۇستى. فەستيۆالگە قاتىسۋ ءۇشىن تاڭداپ الىنعان 70 كە جۋىق كوركەم جانە دەرەكتى كينوفيلمدەردى قاتىسۋشى 15 ەل ۇسىنعان. ولاردىڭ اراسىندا: رەسەي، اۆستريا، بەلارۋس، ۇلى بريتانيا، گەرمانيا، يسپانيا، يتاليا، قازاقستان، كانادا، مولدوۆا جانە ت. ب.
