قۋاندىق بيشىمبايەۆتى قاماۋدا ۇستاۋ مەرزىمى ۇزارتىلدى
بۇل تۋرالى «قازاقپارات» ح ا ا جولداعان ساۋالىنا جاۋاپ بەرگەن استانا قالالىق سوتى حابارلادى.
«2017-جىلدىڭ 6- ساۋىرىندە استانا قالاسى 2№ الماتى اۋداندىق سوتى كۇدىكتى قۋاندىق بيشىمبايەۆتى قاماۋدا ۇستاۋ مەرزىمىن 2017-جىلدىڭ 10- مامىرىنا دەيىن ۇزارتتى»، - دەلىنگەن ساۋالعا بەرگەن جاۋاپتا.
بۇدان بۇرىن حابارلانعانداي، «بايتەرەك ۇ ب ح» ا ق باسقارماسىنىڭ بۇرىنعى ءتوراعاسى قۋاندىق بيشىمبايەۆقا قاتىستى قىلمىستىق تەرگەۋ امالدارى ءجۇرىپ جاتىر.
سىبايلاس جەمقورلىققا قارسى ءىس-قيمىل ۇلتتىق بيۋروسى حابارلاعانداي، ول ءبىر توپ اداممەن الدىن الا كەلىسىپ، ءىرى كولەمدە بىرنەشە مارتە پارا الدى دەپ ايىپتالۋدا. بيشىمبايەۆ قىزىلوردا قالاسىندا شىنى تاباق شىعاراتىن جانە وڭدەيتىن زاۋىت سالۋ كەزىندە «Orda Glass» ج ش س- نىڭ ۆەدومستۆولىق باعىنىستاعى كومپانياسى مەن ونىڭ مەردىگەرلىك ۇيىمى «شىمكەنت حيممونتاج» ج ش س ارقىلى 1 ميلليارد تەڭگە جىمقىرۋ قىلمىستىق سحەماسىن ۇيىمداستىرعان دەپ كۇدىككە ءىلىندى.
