10:10, 10 - ءساۋىر 2017 | GMT +5
دۋبايعا بەت العان «ەير استانانىڭ» ۇشاعى تەحنيكالىق اقاۋ سالدارىنان الماتى اۋەجايىنا قايتا قوندى
استانا. قازاقپارات - «ەير استانانىڭ» الماتى-دۋباي باعىتىنداعى رەيسى تەحنيكالىق اقاۋلارعا بايلانىستى اۋەجايعا قايتا قوندى، دەپ حابارلايدى «قازاقپارات» ح ا ا ءتىلشىسى اۋە كومپانياسىنىڭ باسپا ءسوز قىزمەتىنە سىلتەمە جاساپ.
«بۇگىن الماتىدان دۋبايعا ك س895 رەيسىن جاساعان ۇشاق تەحنيكالىق اقاۋلار سالدارىنان الماتى اۋەجايىنا قايتا ورالىپ، 8:33 تە قوندى. ۇشقىش بارلىق حالىقارالىق قاۋىپسىزدىك ءتارتىبىن ساقتادى. بورت باسقا اۋە كەمەسىمەن الماستىرىلدى»، - دەلىنگەن حابارلامادا.
رەيس ساعات 10:15 تە ۇشادى. 22- ناۋرىز كۇنى اتالمىش اۋە كومپانياسىنىڭ الماتىدان بىشكەككە جاساعان ك س109 رەيسى تەحنيكالىق اقاۋلار سالدارىنان الماتى حالىقارالىق اۋەجايىنا قايتىپ كەلگەن ەدى.
كومپانيانىڭ اقپاراتى بويىنشا، جولاۋشىلار باسقا اۋە كەمەسىمەن ءوز ساياحاتتارىن جالعاستىردى.
ەسكە سالا كەتەيىك، اۋە كومپانياسىنىڭ 2017-جىلدىڭ 5- ناۋرىز كۇنى الماتى-ورال باعىتىندا ۇشقان ۇشاعىنان دا اقاۋ شىعىپ، اقتوبەگە قونعان ەدى.
