اقتاۋدا اجەلەر مەكتەبى قۇرىلدى

استانا. قازاقپارات -  اق جاۋلىقتى انالاردىڭ باسىن قوسقان ۇكىمەتتىك ەمەس ۇيىم قىز- كەلىنشەكتەردى ۇرپاق تاربيەسىنە باۋليدى.

ۇيىنە كەلگەن قوناعىنا شاي قۇيۋدان باستاپ داستارقان جايىپ، اس تارتۋدىڭ ءتارتىبى مەن ەرەجەلەرىن ۇيرەتەدى. سونىمەن قاتار، جاس كەلىندەرگە بالانى بەسىككە بولەۋدىڭ قادىر- قاسيەتىن تۇسىندىرەدى. مۇنداعى ءدارىستىڭ كوبى ەنە مەن كەلىن اراسىنداعى قارىم- قاتىناس پەن سىيلاستىققا ارنالعان.

اقتاۋ وڭىرىندە العاش اشىلعان مەكتەپتە ون اجە ءتالىم- تاربيە بەرەدى. قازىر بۇندا وتىزدان اسا قىز- كەلىنشەك جانۇيا جىلۋىن ساقتاپ، يناباتتى ءومىر سالتىن قالىپتاستىرۋدى ۇيرەنىپ ءجۇر. بولاشاق اتا-انالار قىز بالالار دا نازاردا ۇستالادى. بويجەتكەندەر ايىنا ءبىر رەت تانىمدىق شارالارعا قاتىسادى.

 نۇرنيسا ماحمۇدوۆا، «اجەلەر مەكتەبىنىڭ» مۇشەسى:

 - جاستارعا ۇلگى- ونەگە كورسەتۋ. ءتالىم- تاربيە بەرۋ. «ءداستۇردىڭ وزىعى بار توزىعى بار» دەگەندەي، سونىڭ وزىعىن الىپ، توزىعىن قالدىرىپ، تاربيەلىك ماڭىزى بار شارالاردى كوپتەپ ۇيىمداستىرامىز دەگەن ويدامىز.

www.24.kz