قازاقستان سىرتقى ىستەر مينيسترلىگى سيرياداعى احۋالعا وراي مالىمدەمە جاسادى
«قازاقستان جاپپاي قىرىپ- جويۋ قارۋىنىڭ كەز كەلگەن قولدانۋىن ادامگەرشىلىككە جات جانە ادامشىلىق قاعيداتتارىنا قايشى ارەكەت رەتىندە ءۇزىلدى- كەسىلدى ايىپتايدى. بۇل فاكتى بويىنشا كىنالىلەردى جاۋاپقا تارتۋ ءۇشىن ب ۇ ۇ اياسىندا حالىقارالىق جان- جاقتى وبەكتيۆتى جانە ءادىل تەرگەۋ جۇرگىزۋدى قاعيداتتى تۇردە ماڭىزدى دەپ سانايمىز»، - دەلىنگەن ق ر س ءى م اقپاراتىندا.
قاقتىعىستىڭ ودان ءارى ءورشۋى جانە تاراپتار ۇستانىمدارىنىڭ قاتاڭدانۋى حالىقارالىق قوعامداستىقتىڭ تەرروريستىك قاۋىپكە قارسى كۇرەس بويىنشا بۇرىن قول جەتكىزگەن بارلىق، ونىڭ ىشىندە جەنەۆا جانە استانا پروتسەستەرى شەڭبەرىندەگى ۋاعدالاستىقتارعا قاۋىپ توندىرەدى جانە سيريا جەرىندە بارلىعىن قامتيتىن بەيبىتشىلىك پەن كەلىسىمگە جەتۋ پەرسپەكتيۆاسىن الىستاتادى.
«سيريا اراب رەسپۋبليكاسىنىڭ ۇكىمەتى مەن قارۋلى وپپوزيتسيالىق توپتار اراسىندا 2016 -جىلعى 30 -جەلتوقساندا كۇشىنە ەنگەن سوعىس ارەكەتتەرىن دوعارۋ رەجىمىن ساقتاۋدىڭ جانە نىعايتۋدىڭ ماڭىزدىلىعىن اتاپ وتەمىز. استانا پروتسەسىنىڭ كەپىلدىك بەرۋشى ەلدەرىن شيەلەنىستىڭ ودان ءارى ءورشۋىنىڭ الدىن الۋ ءۇشىن وزدەرىنىڭ بار كۇش- جىگەرلەرىن جۇمساۋعا شاقىرامىز»، - دەپ مالىمدەدى قازاقستاننىڭ سىرتقى ساياسي ۆەدومستۆوسى.
قازاقستان سيرياارالىق قاقتىعىستى تەك بەيبىت جولمەن، ديالوگ جانە تاتۋلاسۋ ارقىلى شەشۋ مۇمكىن دەگەن ۇستانىمىنا بەرىك جانە بارلىق مۇددەلى تاراپتاردىڭ قاتىسۋىمەن استانا پروتسەسى اياسىندا سيريا ۇكىمەتى مەن وپپوزيتسيالىق توپتار اراسىندا تاتۋلاسۋدى ساقتاۋ بويىنشا تىكەلەي كەلىسسوزدەردى جالعاستىرۋعا شاقىردى. بۇعان دەيىن سەنات سپيكەرى قاسىم- جومارت توقايەۆ الەۋمەتتىك جەلىدە سيريانىڭ اسكەري بازاسىنا جاساعان ا ق ش- تىڭ اۆياسوققىسىنان كەيىنگى حالىقارالىق جاعدايعا پىكىر ءبىلدىردى.
«ا ق ش- تىڭ سيرياعا قارسى اۆياسوققىسى اتالمىش ەلدەگى سوعىستى توقتاتۋ تۋرالى كەلىسسوزدەر وتكىزۋدىڭ بولاشاعىن بۇلىڭعىر ەتەدى. حالىقارالىق شيەلەنىستىڭ جاڭا تولقىنى»، - دەپ اتاپ ءوتتى توقايەۆ.
ەسكە سالا كەتەيىك، ا ق ش- تىڭ قارۋلى كۇشتەرى سيريانىڭ حومس پروۆينسياسىنىڭ اۋماعىندا ورنالاسقان ۇكىمەتتىك اسكەردىڭ اسكەري بازاسىنا 59 زىمىران جىبەردى. زىمىراندى شابۋىل سيريانىڭ يدليب پروۆينتسياسىنا جاسالماقشى بولعان حيميالىق شابۋىلدىڭ جاۋابى بولىپ تابىلادى.
اۆتور: مارلان جيەمباي
