قازاقستان تۇركى تىلدەس ەلدەر اراسىنداعى جارىق جۇلدىز - ساراپشى
ونىڭ اتاپ وتۋىنشە، قازاقستان تاۋەلسىزدىگىنىڭ 25 جىلدىعى ىشىندە ۇلكەن جەتىستىكتەرگە قول جەتكىزدى. بۇل جەتىستىكتەردىڭ ەڭ باستى كورسەتكىشى قازاقستاننىڭ ب ۇ ۇ قاۋىپسىزدىك كەڭەسىنىڭ قۇرامىنا كىرۋى، سونىمەن قاتار جاڭا تەحنولوگيالار سالاسىنداعى تابىستارى مەن ەكسپو حالىقارالىق مامانداندىرىلعان كورمەسىن ۇيىمداستىرۋى بولا الادى.
«مەن پرەزيدەنت نۇرسۇلتان نازاربايەۆتىڭ جولداۋىمەن تىڭعىلىقتى تانىسىپ شىقتىم جانە بۇل جولداۋدىڭ ەل دامۋىنىڭ ستراتەگياسى، بارلىعى ءۇشىن جۇمىس جوسپارى سانالاتىندىعىن نىق سەنىممەن ايتا الامىن. وندا دامۋدىڭ 5 ناقتى قادامى انىق جازىلعان. بۇل ستراتەگيانى الەمدى جاقسى بىلەتىن جانە ءوز حالقىن تابىسقا جەتەلەيتىن ادام جازعان. بۇل رەتتە تىرەك نۇكتەسى - قازاق حالقىنىڭ بىرلىگى مەن تۇتاستىعى. بىزگە بەلگىلى بولىپ وتىرعانداي، قازاقستان 100 دەن استام ۇلت وكىلدەرى تۇراتىن كوپ ۇلتتى ەل سانالادى جانە قازاقستان پرەزيدەنتى بۇكىل حالىقتىڭ بەيبىت ءومىر ءسۇرۋى سىندى تابىسقا قول جەتكىزىپ وتىر. ال بۇل وتە تاماشا كورسەتكىش ەكەندىگى ءسوزسىز»، - دەدى ش. ايتماتوۆ اتىنداعى «ماناس» قىرعىز- تۇرىك حالىقارالىق ۋنيۆەرسيتەتىنىڭ پرەزيدەنتى، پروفەسسور سەباحاتتين بالجي.
«ماناس» ۋنيۆەرسيتەتىنىڭ رەكتورى ءوز الدىنا الەمنىڭ بارىنشا دامىعان 30 ەلىنىڭ قاتارىنا قوسىلۋ ماقساتىن قويىپ وتىرعان قازاقستاننىڭ باسقا تۇركى ەلدەرى اراسىندا جارىق جۇلدىزداي ەرەكشەلەنىپ تۇراتىندىعىن باسا ايتتى.
