وڭتۇستىكتىڭ جاستارى قۇران وقۋدان جارىستى
قازاقستان مۇسىلماندارى ءدىني باسقارماسىنىڭ و ق و بويىنشا وكىلدىگى ۇيىتقى بولعان شاراعا 6 مەن 20 جاس ارالىعىنداعى 170 كە تارتا ۇمىتكەر قاتىستى، دەپ حابارلايدى قازاقپارات ح ا ا ءتىلشىسى.
وڭىردەگى مەدرەسەلەر مەن مەشىتتەردە ءدىني ءدارىس الىپ جۇرگەن شاكىرتتەر كيەلى كىتاپ سۇرەلەرىن جاتقا، مازمۇنىن بۇزباي ايتۋعا تىرىستى. ازاندى ناقىشىنا كەلتىرىپ شاقىرىپ، قۇراننىڭ بەس پاراسىن تالاپقا ساي وقىپ بەرۋدەن جارىستى. ءادىل قازىلار جارىسقا قاتىسۋشىلاردىڭ قۇراندى جاتقا ايتۋىن، وقۋ ىرعاعىن، كوركەم وقۋ قابىلەتىن باعالادى. سونداي- اق ولاردان وقىعان اياتتارىنىڭ ماعىناسى سۇرالدى.
«قۇران - اللانىڭ ءسوزى. ال، ونى جاتتاپ وسكەن جاستىڭ جامان ادەتتەن اۋلاق بولاتىنى انىق. شۇكىرشىلىك، قازىر ءدال وسى ىسكە امال ەتۋشىلەردىڭ قاتارى كوبەيىپ كەلەدى. بۇل يگى شارا سونىڭ بىردەن- ءبىر ايعاعى. بۇگىنگىدەي سايىستار وسكەلەڭ ۇرپاقتىڭ قۇران وقۋعا دەگەن قۇلشىنىسىن ارتتىرادى. سوندىقتان، بۇل ءداستۇر الداعى ۋاقىتتا ءوز جالعاسىن تاپپاق»، - دەدى ءوڭىردىڭ باس يمامى احمەتجان قاجى كەرىمبەك.
جارىس قورىتىندىسىمەن جۇلدەلى ورىن العاندار ماراپاتتالىپ، جەڭىمپازدارعا ارنايى سىيلىقتار تابىس ەتىلدى.
اۆتور: اينۇر اقبايەۆا
